നീതി ആയോഗിന്റെ സുസ്ഥിര വികസന ലക്ഷ്യ സൂചികയില്‍ കേരളം ഒന്നാംസ്ഥാനം നിലനിര്‍ത്തി. സാമൂഹികവും സാമ്പത്തികവും പരിസ്ഥിതിപരവുമായ മാനദണ്ഡങ്ങള്‍ ഉപയോഗിച്ച് സംസ്ഥാനങ്ങളെയും കേന്ദ്രഭരണ പ്രദേശങ്ങളെയും വിലയിരുത്തിയാണ് സൂചിക തയാറാക്കുന്നത്.
കേരളത്തിനൊപ്പം ഉത്തരാഖണ്ഡും ഒന്നാം സ്ഥാനത്താണ്. ബിഹാറാണ് ഏറ്റവും പിന്നില്‍. 2023-24 വര്‍ഷത്തില്‍ ഇന്ത്യയുടെ മൊത്തത്തിലുള്ള സുസ്ഥിര വികസന ലക്ഷ്യം 71 ആയി ഉയര്‍ന്നു.
കേന്ദ്ര ഭരണ പ്രദേശങ്ങളില്‍, ചണ്ഡീഗഢ്, ജമ്മുകാഷ്മീര്‍, പുതുച്ചേരി, ഡല്‍ഹി എന്നിവ മികച്ച പ്രകടനം കാഴ്ചവച്ചു. നീതി ആയോഗ് സിഇഒ ബി.വി.ആര്‍. സുബ്രഹ്മണ്യമാണ് സൂചിക പുറത്തിറക്കിയത്.
