ചൊവ്വാഴ്ച ഗാസ സിറ്റിയില്‍ ഇസ്രയേല്‍ നടത്തിയ ഡ്രോണ്‍ ആക്രമണത്തില്‍ ഡോക്ടേഴ്സ് വിത്തൗട്ട് ബോര്‍ഡേഴ്സിന്റെ സ്റ്റാഫായ പലസ്തീനിയന്‍ ഇസ്ലാമിക് ജിഹാദ് റോക്കറ്റ് വിദഗ്ധന്‍ കൊല്ലപ്പെട്ടെന്ന വാര്‍ത്ത തെറ്റെന്ന് ഇസ്രായേല്‍ സൈന്യം വ്യക്തമാക്കി. ജോലി ചെയ്തിരുന്ന എംഎസ്എഫ് ക്ലിനിക്കിലേക്ക് സൈക്കിളില്‍ പോകുന്നതിനിടെ അല്‍-വാദിയ കൊല്ലപ്പെട്ടതായാണ് എക്സില്‍ കുറിച്ച പോസ്റ്റില്‍ സംഘടന പറഞ്ഞത്. എന്നാല്‍ തീവ്രവാദ ഗ്രൂപ്പിന്റെ മിസൈലുകള്‍ വികസിപ്പിക്കുന്നതില്‍ ഏര്‍പ്പെട്ടിരുന്ന ഒരു ഇസ്ലാമിക് ജിഹാദ് പ്രവര്‍ത്തകനാണ് അല്‍-വാദിയ എന്ന് ഇസ്രായേല്‍ പ്രതിരോധ സേന പിന്നീട് സ്ഥിരീകരിച്ചു.
ഭീകരവാദ സംഘടനയുടെ മിസൈല്‍ ശ്രേണിയുടെ വികസനത്തിലും പുരോഗതിയിലും അല്‍-വാദിയ പങ്കാളിയായിരുന്നുവെന്ന് സൈന്യം പ്രസ്താവനയില്‍ പറഞ്ഞു. ഇലക്ട്രോണിക്‌സ്, കെമിസ്ട്രി മേഖലകളിലെ ഇസ്ലാമിക് ജിഹാദിലെ അറിവിന്റെ ഉറവിടം കൂടിയാണ് അദ്ദേഹം എന്ന് ഐഡിഎഫ് പറഞ്ഞു. ഗാസ സിറ്റിയിലെ ഡ്രോണ്‍ ആക്രമണത്തിന്റെ ദൃശ്യങ്ങളും ഐഡിഎഫ് പ്രസിദ്ധീകരിച്ചു. അല്‍-വാദിയ തീവ്രവാദിയായിരുന്നുവെന്ന് എംഎസ്എഫ് നിഷേധിച്ചെങ്കിലും അയാള്‍ ഭീകര സംഘടനയുടെ യൂണിഫോം ധരിച്ചിരിക്കുന്ന ചിത്രങ്ങള്‍ ഐഡിഎഫ് പുറത്തുവിട്ടു.
ചൊവ്വാഴ്ച നടത്തിയ മറ്റൊരു സ്‌ട്രൈക്കില്‍ റാഫ അതിര്‍ത്തി കടന്ന് ഈജിപ്തിലേക്ക് ഭൂഗര്‍ഭ തുരങ്കങ്ങള്‍ വഴി തീവ്രവാദ ഗ്രൂപ്പിന് ആയുധങ്ങള്‍ കടത്തുന്നതില്‍ ഏര്‍പ്പെട്ടിരുന്ന മറ്റൊരു ഹമാസ് പ്രവര്‍ത്തകന്‍, അബു ഇഷാഖ് വ്യോമാക്രമണത്തില്‍ കൊല്ലപ്പെട്ടതായും ഐഡിഎഫ് പറഞ്ഞു. അതിനിടെ, സെന്‍ട്രല്‍ ഗാസ മുനമ്പില്‍ ഐക്യരാഷ്ട്രസഭയുടെ മാനുഷിക സഹായ വാഹനവ്യൂഹത്തിന് അകമ്പടി പോയ ഇസ്രായേല്‍ സൈനികര്‍ക്ക് നേരെ ഹമാസ് മോര്‍ട്ടാര്‍ ഷെല്ലുകള്‍ പ്രയോഗിച്ചതായി സൈന്യം ദൃശ്യങ്ങള്‍ സഹിതം വെളിപ്പെടുത്തി. ഗാസ നിവാസികള്‍ക്ക് മാനുഷിക സഹായവും പ്രവര്‍ത്തനങ്ങളും വര്‍ദ്ധിപ്പിക്കാന്‍ ഐഡിഎഫ് ശ്രമിച്ചിട്ടും, ഹമാസ് ഈ ശ്രമങ്ങള്‍ ചൂഷണം ചെയ്യുകയും ഗാസ പൗരന്മാരുടെ ജീവന്‍ അപകടത്തിലാക്കുകയും ചെയ്യുന്നതായി സൈന്യം കൂട്ടിച്ചേര്‍ത്തു.
ഒക്ടോബര്‍ 7 ന് ആയിരക്കണക്കിന് ഹമാസ് ഭീകരര്‍ തെക്കന്‍ ഇസ്രായേലിനെ രാജ്യത്തുടനീളമുള്ള ജനവാസ കേന്ദ്രങ്ങളില്‍ റോക്കറ്റാക്രമണം നടത്തിയതോടെയാണ് യുദ്ധം ആരംഭിച്ചത്. പീഡനങ്ങള്‍ക്കും ബലാത്സംഗങ്ങള്‍ക്കും ഇടയില്‍ അവര്‍ 1,200 പേരെ ക്രൂരമായി കൊലപ്പെടുത്തി, 251 ബന്ദികളെ പിടികൂടി. തുടര്‍ന്നാണ് ഗാസയിലെ ഭീകരസംഘടനയുടെ ഭരണകൂടത്തെ നശിപ്പിക്കുമെന്നും ബന്ദികളെ മോചിപ്പിക്കുമെന്നും പ്രതിജ്ഞയെടുത്തുകൊണ്ട് ഇസ്രായേല്‍ അതിവേഗം ഹമാസിനെതിരെ യുദ്ധം പ്രഖ്യാപിച്ചത്.
