രാജ്യതലസ്ഥാനത്ത് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ വസതിയില്‍ ഇന്ത്യന്‍ സഖ്യകക്ഷി നേതാക്കളുടെ യോഗം നടന്നതായി റിപ്പോര്‍ട്ട്. ഇന്ത്യ മുന്നണി പ്രതിപക്ഷത്തിരിക്കുമെന്നും സര്‍ക്കാര്‍ രൂപീകരിക്കാനുള്ള ശ്രമങ്ങള്‍ നടത്തില്ലെന്നും യോഗത്തില്‍ തീരുമാനമായതായി ആണ് അടുത്ത വൃത്തങ്ങളില്‍ നിന്നും ലഭിക്കുന്ന വിവരം.
വ്യക്തമായ ധാര്‍മ്മിക പരാജയമുണ്ടായിട്ടും, ജനങ്ങളുടെ ഇഷ്ടം അട്ടിമറിക്കാന്‍ പ്രധാനമന്ത്രി മോദി തീരുമാനിച്ചു എന്ന് ഇന്ത്യ മുന്നണി യോഗത്തില്‍ കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ പറഞ്ഞു.കോണ്‍ഗ്രസ് 99 സീറ്റുകള്‍ നേടി, സമാജ്വാദി പാര്‍ട്ടി ഉത്തര്‍പ്രദേശില്‍ തങ്ങളുടെ ശക്തികേന്ദ്രം വീണ്ടെടുത്തു, 2024 ലെ ലോക്സഭാ തിരഞ്ഞെടുപ്പില്‍ ഇന്ത്യന്‍ ബ്ലോക്കിന്റെ എണ്ണം 234 ആയി ഉയര്‍ത്തി.
മറുവശത്ത്, 240 സീറ്റുകള്‍ നേടി ഭൂരിപക്ഷം കടക്കുന്നതിനായി ബി.ജെ.പി എന്‍ഡിഎയുടെ പ്രധാന സഖ്യകക്ഷികളായ ചന്ദ്രബാബു നായിഡുവിന്റെ ടിഡിപിയുടെയും നിതീഷ് കുമാറിന്റെ ജെഡിയുവിന്റേയും സഹായം തേടി. യഥാക്രമം 16, 12 സീറ്റുകള്‍ നേടി എന്‍ഡിഎയുടെ എണ്ണം 292 ആക്കി അധികാരത്തിലെത്താന്‍ കച്ചകെട്ടുകയാണ്.
