നാലുമിനിറ്റിൽ താഴെ, ഒരു മൈൽ ഓടി റെക്കോർഡ് സൃഷ്ടിച്ച ഏറ്റവും പ്രായം കുറഞ്ഞ വ്യക്തിയായി ന്യൂസിലാൻഡുകാരൻ. അത്ലറ്റ് സാം റൂത്ത് ആണ് ഈ ചരിത്രം സൃഷ്ടിച്ചത്. ഓക്ക്‌ലൻഡിലെ ഗോ മീഡിയ സ്റ്റേഡിയത്തിൽ 3:58.35 സമയം ആണ് സാം ഓടിയത്.
ന്യൂസിലാൻഡ് അത്‌ലറ്റിക്‌സിന്റെ കണക്കനുസരിച്ച്, നോർവേയുടെ രണ്ടുതവണ ഒളിമ്പിക് മെഡൽ ജേതാവായ ജേക്കബ് ഇംഗെബ്രിഗ്‌സെൻ ആണ് 16-ാം വയസ്സിൽ 3:58.07 സെക്കൻഡിൽ ഓടി റെക്കോർഡ് സൃഷ്ടിച്ചത്. “ഇതായിരിക്കാം ഞാൻ ഇതുവരെ നേടിയതിൽവച്ച് ഏറ്റവും ഇഷ്ടപ്പെട്ട ലക്ഷ്യം. തീർച്ചയായും ഞാൻ ഇത് ഏറ്റവും ആസ്വദിച്ചു. ഇവിടെയുള്ള എല്ലാവരും എന്നെ പിന്തുണച്ചു” – സാം റൂത്ത് പറഞ്ഞു.
ഈ മാസം ആദ്യം, ന്യൂസിലൻഡ് ട്രാക്ക് ആൻഡ് ഫീൽഡ് ചാമ്പ്യൻഷിപ്പിൽ 3,000 മീറ്ററിൽ 7:56.18 സമയം കൊണ്ട് വിജയിച്ചതോടെ റൂത്ത് എക്കാലത്തെയും പ്രായം കുറഞ്ഞ സീനിയർ ദേശീയ ചാമ്പ്യനായി. 4.01.72 എന്ന മുൻകാല റെക്കോർഡിനെക്കാൾ മികച്ചാതായിരുന്നു പുതിയ റെക്കോർഡ്. അത്‌ലറ്റിക്സിലെ മികച്ച നേട്ടങ്ങളിലൊന്നാണ് നാലുമിനിറ്റിൽ താഴെ മൈൽ എന്നത്.
1954 ൽ ഗ്രേറ്റ് ബ്രിട്ടന്റെ റോജർ ബാനിസ്റ്റർ ആദ്യമായി ഈ നേട്ടം കൈവരിച്ചത്. പരിശീലനത്തിലും ഷൂ സാങ്കേതികവിദ്യയിലുമുള്ള പുരോഗതി ആധുനിക കാലത്ത് കൂടുതൽ സാധാരണമായ ഒരു പ്രതിഭാസമാക്കി മാറ്റിയിരിക്കുന്നു.
