വടക്കൻ ന്യൂസിലൻഡിലെ വാൻഗാരെയ്ക്കടുത്തുള്ള റുവാക്ക ബീച്ചിൽ ഞായറാഴ്ച കുടുങ്ങിയ മുപ്പതിലധികം തിമിംഗലങ്ങളെ രക്ഷപെടുത്തിയതായി അറിയിച്ച് അധികൃതർ. കരയ്ക്കടിഞ്ഞ തിമിംഗലങ്ങളിൽ മൂന്ന് വലിയ തിമിംഗലങ്ങളും ഒരു കുഞ്ഞും ചത്തുപോയതായും സംരക്ഷണവകുപ്പ് (ഡി. ഒ. സി.) വ്യക്തമാക്കി.
പ്രാദേശിക മാവോറി ഗ്രൂപ്പായ പടുഹാരകെ ആണ് രക്ഷാപ്രവർത്തനത്തിന് നേതൃത്വം നൽകിയത്. അവരോടൊപ്പം അധികാരികളും മറ്റ് പൊതുജനങ്ങളും ചേർന്നു. തിമിംഗലങ്ങൾ തീരത്തടിയുന്നത് പ്രകൃതിയുടെ വിശദീകരിക്കപ്പെടാത്ത ഒരു പ്രതിഭാസമാണ്. ലോകത്തിലെ ഏറ്റവും ഉയർന്ന നിരക്കുകളിലൊന്നാണ് ന്യൂസിലൻഡിൽ ഇപ്പോൾ സംഭവിച്ചത്.
മാളളിൽ കുടുങ്ങിയ തിമിംഗലങ്ങളെ ഷീറ്റുകളിൽ ഉയർത്തി വീണ്ടും ഒഴുക്കി. രക്ഷപെടുത്തിയ തിമിംഗലങ്ങളൊന്നും വീണ്ടും കുടുങ്ങിക്കിടക്കുന്നില്ലെന്ന് ഉറപ്പാക്കാൻ പടുഹാരകെ ആളുകൾ രാത്രി മുഴുവൻ കടൽത്തീരത്ത് താമസിച്ചു. കുടുങ്ങിക്കിടക്കുന്ന സമുദ്രരക്ഷാപ്രവർത്തനങ്ങൾ കൈകാര്യം ചെയ്യുന്നതിന്റെ ഉത്തരവാദിത്വമുള്ള ഡി. ഒ. സി., രക്ഷാപ്രവർത്തനത്തെ “അവിശ്വസനീയമാണ്, തിമിംഗലങ്ങൾക്കായി എല്ലാവരും ഒത്തുചേരുന്നു” എന്ന് വിശേഷിപ്പിച്ചു.
തിമിംഗലങ്ങളും ഡോൾഫിനുകളും രാജ്യത്ത് സാധാരണമാണ്. പലപ്പോഴും ഒറ്റയായും മറ്റും ഇവ തീരത്തടിയുന്നതും അവയെ രക്ഷപെടുത്തുന്നതുമായ സംഭവങ്ങൾ ഇവിടെ നടക്കാറുണ്ട്. ഒരു വർഷം ശരാശരി 85 ഓളം സംഭവങ്ങൾ ഇത്തരത്തിൽ ഉണ്ടാകാറുണ്ട് എന്ന് ഡി. ഒ. സി. പറയുന്നു.
