മദ്ധ്യ യുക്രെയ്ന്‍ നഗരമായ ക്രോപിവ്‌നിറ്റ്‌സ്‌കിയില്‍ റഷ്യന്‍ ആക്രമണം. ആക്രമണത്തില്‍ 5 പേര്‍ കൊല്ലപ്പെടുകയും 25 പേര്‍ക്ക് പരിക്കേല്‍ക്കുകയും ചെയ്തു. പരുക്കേറ്റവരില്‍ 12 പേര്‍ സൈനികരാണ്.നാഷണല്‍ ഏവിയേഷന്‍ യൂണിവേഴ്സിറ്റി ഫ്‌ളൈറ്റ് അക്കാദമിയിലാണ് ഉച്ചയോടെ മിസൈല്‍ ആക്രമണം നടന്നത്.
കൂടാതെ ആക്രമണത്തില്‍ രണ്ട് സിവിലിയന്‍ വിമാനങ്ങളും ഒരു എഎന്‍ -26 വിമാനവും തകര്‍ന്നു. ‘യുദ്ധത്തിന് നിരവധി പേര്‍ ഇരകളായിട്ടുണ്ട്. മരിച്ചവരും പരിക്കേറ്റവരും ഉണ്ട്. പരിക്കേറ്റ 25 പേരെ ആശുപത്രികളിലേക്ക് മാറ്റി. അതില്‍ അഞ്ച് പേര്‍ കൊല്ലപ്പെട്ടു.
കിറോവോഹ്രാദ് മേഖലയുടെ ഗവര്‍ണര്‍ ആന്‍ഡ്രി റൈക്കോവിച്ച് പറഞ്ഞു. എന്നാല്‍ ഈ റിപ്പോര്‍ട്ടിനെ കുറിച്ച് റഷ്യ പ്രതികരണം നടത്തിയിട്ടില്ല. അതേസമയം മുമ്പ് കൈവ് പ്രദേശത്തിന് നേരെ റഷ്യന്‍ സേന മിസൈല്‍ ആക്രമണം നടത്തുകയും വടക്കന്‍ ചെര്‍നിഹിവ് മേഖലയെ തകര്‍ക്കുകയും ചെയ്തിരുന്നു.
