2023 ല്‍ 59,100 ഇന്ത്യന്‍ പൗരന്മാര്‍ അമേരിക്കന്‍ പൗരത്വം സ്വീകരിച്ചതായി റിപ്പോര്‍ട്ട്. അമേരിക്കന്‍ സിറ്റിസണ്‍ഷിപ്പ് ആന്‍ഡ് ഇമിഗ്രേഷന്‍ സര്‍വീസിന്റെ വാര്‍ഷിക റിപ്പോര്‍ട്ടിലാണ് കണക്കുകള്‍ പുറത്തുവന്നത്.
ഇതോടെ മെക്‌സിക്കോയ്ക്ക് ശേഷം ഏറ്റവുംകൂടുതല്‍ ആളുകള്‍ യുഎസ് പൗരത്വം സ്വീകരിക്കുന്ന രാജ്യമായി ഇന്ത്യ മാറി. 2023 ല്‍ മാത്രം 8.7 ലക്ഷം വിദേശ പൗരന്മാര്‍ അമേരിക്കന്‍ പൗരത്വം സ്വന്തമാക്കിയതായാണ് റിപ്പോര്‍ട്ട്.
ഇതില്‍ 1.1 ലക്ഷം മെക്‌സിക്കന്‍ വംശജരും 59,100 ഇന്ത്യന്‍ വംശജരുമാണുള്ളത്. 44,800 ഫിലിപ്പീന്‍സുകാരും 35,200 ഡൊമിനിക്കന്‍ റിപബ്ലിക്കുകാരും അമേരിക്കന്‍ പൗരത്വം സ്വീകരിച്ചതായി റിപ്പോര്‍ട്ടില്‍ പറയുന്നു.
