ജമ്മു-കാശ്മീരിലുണ്ടായ വാഹനാപകടത്തില്‍ മൂന്ന് സൈനികര്‍ വീരമൃത്യു വരിച്ചതായി റിപ്പോര്‍ട്ടുകള്‍. കുപ്വാരോയിലെ നിയന്ത്രണരേഖക്കു സമീപം നടന്ന അപകടത്തിലാണ് സൈനികര്‍ക്ക് ജീവന്‍ നഷ്ടമായത്.
അപകടത്തില്‍ മൃത്യു വരിച്ച ജവാന്മാരുടെ വിവരങ്ങള്‍ സൈന്യം പുറത്തുവിട്ടിട്ടില്ല. പതിവ് പെട്രോളിംഗിനിടയിലാണ് അപകടമെന്നാണ് പുറത്തുവരുന്ന റിപ്പോര്‍ട്ടുകള്‍. കനത്ത മഞ്ഞില്‍ വാഹനത്തിന്റെ നിയന്ത്രണം നഷ്ടപ്പെട്ട് കൊക്കയിലേക്ക് വീഴുകയായിരുന്നു. രക്ഷാപ്രവര്‍ത്തനത്തില്‍ ഗുരുതര പരിക്കുകളോടെ സൈനികരെ കണ്ടെത്തിയെങ്കിലും വീരമൃത്യു വരിക്കുകയായിരുന്നു.
