ദിവ്യകാരുണ്യ മിഷനറി സന്യാസ സമൂഹം നേതൃത്വം നൽകുന്ന ‘ക്രിസ്റ്റോൺ മീഡിയ’യുടെ പുതിയ ബ്ലോക്കിന്റെ ഉദ്‌ഘാടനം എം സി ബി എസ് എമ്മാവൂസ് പ്രോവിൻസിന്റെ പ്രൊവിൻഷ്യൽ ഫാ. ജോസഫ് ചൊവ്വേലിക്കുടിയിൽ നിർവഹിച്ചു. ക്രിസ്റ്റോൺ മീഡിയയുടെ ഡയറക്ടർ ഫാ. സാബു മണ്ണട, ജോർജ് പൊന്മാങ്കൽ തുടങ്ങിയവർ ചടങ്ങിൽ സന്നിഹിതരായിരുന്നു.
ഉദ്‌ഘാടനത്തിന് ശേഷം ക്രിസ്റ്റോൺ മീഡിയയിലെ കൊച്ചു കലാകാരന്മാരുടെ വിവിധ കലാപരിപാടികൾ നടത്തപ്പെട്ടു. ഫ്ലവേഴ്സ് ടോപ് സിംഗർ ഫെയിം ബെവൻ ബിജുവിന്റെ ഗാനങ്ങളും രേഷ്‌മ അജിത്തിന്റെ കുച്ചുപ്പുടി നൃത്തവും ഉദ്‌ഘാടന വേളയിൽ അരങ്ങേറി.
പിയാനോ, ഗിത്താർ, കീ ബോർഡ്, വയലിൻ, ഡ്രംസ്, കർണാടക സംഗീതം, പാശ്ചാത്യ സംഗീതം, ഡാൻസ് , എയറോബിക്സ്, പെയിന്റിംഗ്, പള്ളികളിലേക്കുള്ള ഗാന പരിശീനം തുടങ്ങിയവ ഇവിടെ അഭ്യസിപ്പിക്കുന്നു. ലണ്ടനിലെ എം.ബി.ആർ.എസ്.എം. യൂണിവേഴ്സിറ്റിയുമായി അഫിലിയേറ്റ് ചെയ്തിരിക്കുന്ന സ്ഥാപനമാണ് ക്രിസ്റ്റോൺ മീഡിയ അക്കാദമി.
