യുക്രെയ്ന്‍ നഗരം ക്രമറ്റോസ്‌കില്‍ റഷ്യ നടത്തിയ മിസൈല്‍ ആക്രമണത്തില്‍ മൂന്ന് പേര്‍ കൊല്ലപ്പെട്ടു. പ്രാദേശക സമയം 9.45 നാണ് സംഭവം. ബഹുനില കെട്ടിടത്തിലേക്ക് റഷ്യയുടെ ഇസ്‌കാന്‍ഡര്‍ കെ മിസൈല്‍ വന്ന് പതിക്കുകയായിരുന്നു.
സംഭവത്തില്‍ 20-ല്‍ അധികം പേര്‍ക്ക് പരിക്കേറ്റു. ആക്രമണത്തില്‍ 10-ല്‍ അധികം കെട്ടിടങ്ങള്‍ തകര്‍ന്നതായും രക്ഷാപ്രവര്‍ത്തനങ്ങള്‍ ഇപ്പോഴും പുരോഗമിക്കുകയാണെന്നും യുക്രെയ്ന്‍ പോലീസ് അറിച്ചു.
ആക്രമണത്തില്‍ പ്രതിഷേധിച്ച് യുക്രയ്ന്‍ പ്രസിഡന്റ് വ്ളാദിമിര്‍ സെലന്‍സ്‌കി രംഗത്തുവന്നു. റഷ്യക്കെതിരെ കൂടുതല്‍ ഉപരോധങ്ങള്‍ ഏര്‍പ്പെടുത്തണമെന്ന് അദ്ദേഹം അമേരിക്കയോടും യൂറോപ്യന്‍ യൂണിയനോടും ആവശ്യപ്പെട്ടു.
