ബറേലി ബിഷപ്പ് എമിരിറ്റസ് ആന്റണി ഫെര്‍ണാണ്ടസ് അന്തരിച്ചു. 86 വയസായിരുന്നു. 2023 ഫെബ്രുവരി മൂന്നിന് വെള്ളിയാഴ്ച രാവിലെ 05.52 ന് ഗാസിയാബാദിലെ സെന്റ് ജോസഫ് ഹോസ്പിറ്റലില്‍ വെച്ചായിരുന്നു മരണം.
ബിഷപ്പ് ആന്റണി ഫെര്‍ണാണ്ടസ് 1936 ജൂലൈ ആറിന് കര്‍ണാടകയിലെ മംഗലാപുരത്ത് ജനിച്ചു. 1964 ഡിസംബര്‍ രണ്ടിന് വൈദികനായി അഭിഷിക്തനായ അദ്ദേഹം 1989 ജനുവരി 19 ന് ബറേലി രൂപതയുടെ പ്രഥമ ബിഷപ്പായി നിയമിതനായി. 59 വര്‍ഷമായി വൈദികനും 35 വര്‍ഷമായി ബിഷപ്പുമായി സേവനമനുഷ്ഠിച്ചു. അദ്ദേഹത്തിന്റെ മൃതസംസ്‌കാര ചടങ്ങുകള്‍ സംബന്ധിച്ച കൂടുതല്‍ വിവരങ്ങള്‍ പിന്നീട് അറിയിക്കും.
