വെസ്റ്റ് ബാങ്കില്‍ പലസ്തീന്‍ ആക്രമണത്തില്‍ രണ്ട് ഇസ്രേലികള്‍ കൊല്ലപ്പെട്ടു. സഹോരങ്ങളായ ഹില്ലേല്‍ മേനാചെം(21), യാഗേല്‍ യാക്കോവ്(19) എന്നിവരാണു ഞായറാഴ്ച കൊല്ലപ്പെട്ടത്.
നാബ്ളൂസിനു തെക്കുള്ള ഹുവാരയില്‍ നടന്ന ആക്രമണത്തെ അത്യന്തം ഗുരുതരമായ ഭീകരാക്രമണം എന്നാണ് ഇസ്രയേല്‍ വിശേഷിപ്പിച്ചത്. ഇസ്രേലികള്‍ കൊല്ലപ്പെട്ടതിനെത്തുടര്‍ന്നുണ്ടായ സംഘര്‍ഷത്തില്‍ ഒരു പലസ്തീന്‍കാരന്‍ കൊല്ലപ്പെട്ടു.
നിരവധി പേര്‍ക്കു പരിക്കേറ്റു. കഴിഞ്ഞ ദിവസം നാബ്ളൂസില്‍ ഇസ്രേലി സൈന്യം നടത്തിയ റെയ്ഡില്‍ 11 പലസ്തീന്‍കാര്‍ കൊല്ലപ്പെട്ടിരുന്നു. ഇതിനു തിരിച്ചടിയായാണ് ഇസ്രേലികളെ ആക്രമിച്ചത്.
