ചീറ്റക്കുഞ്ഞുങ്ങള്‍ക്ക് ഇടാന്‍ പറ്റിയ പേരുകളുണ്ടോ നിങ്ങളുടെ കയ്യില്‍? എങ്കിലിതാ സിയായയുടെ കുഞ്ഞുങ്ങള്‍ക്ക് ഇനി നിങ്ങള്‍ക്കും പേര് നിര്‍ദേശിക്കാം. നമീബയില്‍ നിന്നും മധ്യപ്രദേശിലെ കുനോ ദേശീയ പാര്‍ക്കില്‍ എത്തിച്ച സിയായ ജന്മം നല്‍കിയ നാലു ചീറ്റ കുഞ്ഞുങ്ങള്‍ക്ക് പേരിടാനുള്ള അവസരമാണ് പൊതുജനങ്ങള്‍ക്ക് ലഭിച്ചിരിക്കുന്നത്.
പേര് നിര്‍ദേശിക്കാന്‍ താത്പര്യമുളളവര്‍ക്ക് കേന്ദ്ര സര്‍ക്കാരിന്റെ വെബ്‌സൈറ്റ് പരിശോധിക്കാം. പേരിടല്‍ മത്സരത്തില്‍ പങ്കെടുക്കുന്നവര്‍ക്കുളള നിര്‍ദേശങ്ങളും സര്‍ക്കാര്‍ നല്‍കിയിട്ടുണ്ട്. ഏപ്രില്‍ 30 വരെ പേര് നിര്‍ദേശിക്കാനുളള അവസരമുണ്ട്. മത്സരത്തില്‍ പങ്കെടുക്കാന്‍ https://www.mygov.in/task/name-four-newly-born-cheetah-cubs-kuno/ എന്ന ലിങ്കില്‍ പ്രവേശിക്കാം.
