“കഴിഞ്ഞ ഒരു വർഷത്തിലേറെയായി മഴ എന്തെന്ന് കണ്ടിട്ടില്ലാത്ത ഗ്രാമം. ഇവിടെ ജനങ്ങൾ നെട്ടോട്ടം ഓടുകയാണ്. അതും ഒരു തുള്ളി വെള്ളത്തിനായി എന്ന് പറയുമ്പോൾ അവർ അനുഭവിക്കുന്ന വരൾച്ചയുടെ കാഠിന്യം എടുത്തു പറയേണ്ടതില്ലല്ലോ. ഇനിയും മഴ പെയ്തില്ലെങ്കിൽ ഒരു ഗ്രാമം മുഴുവൻ പട്ടിണി മൂലം മരിച്ചു വീഴുന്നത് കാണേണ്ടി വരും. അതിനാൽ സ്വർഗ്ഗം തുറക്കപ്പെടുവാൻ ഞങ്ങൾ പ്രാർത്ഥിക്കുകയാണ്”- സ്‌പെയിനിലെ മലയോര ഗ്രാമമായ കാറ്റലോണിയയിലെ വൈദികനായ അന്റോണിയോ റൊസാരിയോയുടെ വാക്കുകളാണ് ഇത്. അതികഠിനമായ വരൾച്ചയെ നേരിടുന്ന ഈ ഗ്രാമം മറ്റെല്ലാ പ്രതീക്ഷകളും ഉപേക്ഷിച്ചു ദൈവത്തിലേക്ക് തിരിഞ്ഞിരിക്കുകയാണ്‌.
മഴ ലഭിക്കുന്നതിനായി പൂർവികർ നടത്തിയിരുന്ന പല ആചാരാനുഷ്ടാനങ്ങളിലേയ്ക്കും തിരിയുകയാണ് ഇവർ. “മഴയ്ക്കായി ഞാൻ കുർബാനയിൽ പ്രാർത്ഥിച്ചു, പക്ഷേ ഇത് ഒരു ചടങ്ങായിരിക്കും, അതിൽ ഞങ്ങൾ നഗരത്തിന് പുറത്തുള്ള ഒരു ആശ്രമത്തിൽ നിന്ന് പരിശുദ്ധ ത്രിത്വത്തിന്റെ ഒരു രൂപം എടുത്ത് മഴയ്ക്കായി പ്രാർത്ഥിക്കും. ഞങ്ങളുടെ ആവശ്യം വളരെ വലുതാണ്,”- ഫാദർ റൊസാരിയോ പറയുന്നു.
സ്പെയിനിലുടനീളം നൂറുകണക്കിന് പട്ടണങ്ങളെപ്പോലെ, കാറ്റലോണിയയിലെ കുന്നുകളിലെ ഗ്രാമങ്ങളിലും വരൾച്ചമൂലം കുടിവെള്ളം വിതരണം ചെയ്യുന്നതിന് നിയന്ത്രണം കൊണ്ടുവന്നിരിക്കുകയാണ്. രാത്രി 10 മണിക്കും രാവിലെ 7 മണിക്കും ഇടയിൽ അധികാരികൾ ടാപ്പ് ഓഫ് ചെയ്യുന്നു, അതിനാൽ കുളിക്കാനോ പ്ലേറ്റുകൾ കഴുകാനോ വാഷിംഗ് മെഷീനിൽ തുണികൾ ഇടാനോ സാധിക്കില്ല. പകൽ സമയത്ത്, ഗ്രാമവാസികൾ ദൈനംദിന അവശ്യവസ്തുക്കൾക്കായി കുപ്പികളിലോ ബക്കറ്റുകളിലോ വെള്ളം ശേഖരിക്കുന്നു. എന്നാൽ ചൂട് കൂടുമ്പോൾ അത് ആവശ്യത്തിനോ ദാഹം തീർക്കുന്നതിനോ മതിയാകുന്നില്ല.
“ഞാൻ രാവിലെ 5 മണിക്ക് ജോലിക്ക് പോകാൻ എഴുന്നേൽക്കണം, അതിനാൽ വീട്ടിൽ നിന്ന് പുറപ്പെടുന്നതിന് മുമ്പ് എനിക്ക് കുളിക്കാൻ കഴിയില്ല. ഭാഗ്യവശാൽ, ഞങ്ങൾക്ക് ഫാക്ടറിയിൽ ഷവർ ഉണ്ട്.”- പേപ്പർ മില്ലിൽ ജോലി ചെയ്യുന്ന മാനുവൽ നവാസ് പറഞ്ഞു. പലപ്പോഴും പലരും ആവശ്യങ്ങൾക്ക് പോലും വെള്ളം ലഭിക്കാതെ കഷ്ടപ്പെടുകയാണ്.
2021 ന് ശേഷം രേഖപ്പെടുത്തിയ ഏറ്റവും വലിയ വരൾച്ചയാണ് എപ്പോൾ സ്പെയിൻ നേരിടുന്നത്. വരണ്ട ശൈത്യകാലത്തിന് ശേഷം ഉണ്ടായ വ്യാപകമായ തീപിടുത്തവും കഠിനമായ വരൾച്ചയും ആളുകളെ വലിയ പ്രതിസന്ധിയിലേക്ക് ആണ് തള്ളിവിടുന്നത്. ഭൂരിഭാഗവും കര്ഷകരായിരിക്കുന്ന കാറ്റലോണിയ പോലുള്ള സ്പാനിഷ് ഗ്രാമങ്ങളിൽ ഇനിയും മഴ പെയ്തില്ലെങ്കിൽ കൃഷിയുടെ സമ്പൂർണ്ണമായ നാശത്തിനു കാരണമാകും. തെക്ക് ആഴത്തിലുള്ള അൻഡലൂസിയയും വടക്ക് കാറ്റലോണിയയുമാണ് വരൾച്ച ഏറ്റവും കൂടുതൽ ബാധിച്ച സ്ഥലങ്ങൾ.
ഇവിടെയൊക്കെ കഴിഞ്ഞ രണ്ടു വർഷമായി മഴ കാര്യമായി പെയ്തിട്ടില്ല എന്നു കർഷകർ പറയുന്നു.
