നേപ്പാളില്‍ കാണാതായ ഹെലികോപ്റ്റര്‍ എവറസ്റ്റിന് സമീപം തകര്‍ന്നു വീണ നിലയില്‍ കണ്ടെത്തി. അഞ്ച് മെക്‌സിക്കൻ പൗരന്മാരടക്കം ഹെലികോപ്റ്ററില്‍ ഉണ്ടായിരുന്ന ആറ് പേരും അപകടത്തില്‍ കൊല്ലപ്പെട്ടതായി സ്ഥിരീകരിച്ചു. ചൊവ്വാഴ്ച രാവിലെ നേപ്പാളിലെ സോലുഖുംബുവില്‍ നിന്ന് കാഠ്മണ്ഡുവിലേക്ക് പോയ 9N-AMV ഹെലികോപ്റ്ററാണ് അപകടത്തില്‍ പെട്ടത്.
സുര്‍ക്കിയില്‍ നിന്ന് പുറപ്പെട്ട മനാംഗ് എയര്‍ ഹെലികോപ്റ്റര്‍ 10.12 ഓടെ റഡാറില്‍ നിന്ന് കാണാതാവുകയായിരുന്നു. സോലുഖുംബുവിലെ സുര്‍ക്കിയില്‍ നിന്ന് പറന്നുയര്‍ന്ന് 15 മിനിറ്റിനുള്ളിലാണ് മനാംഗ് എയര്‍ ഹെലികോപ്റ്ററുമായുളള സമ്പര്‍ക്കം നഷ്ടമായത്. തുടർന്നു നടന്ന പരിശോധനയില്‍ ഹെലികോപ്റ്റര്‍ തകര്‍ന്ന നിലയില്‍ കണ്ടെത്തുകയായിരുന്നു. അപകടത്തില്‍ മരിച്ചവരുടെ മൃതദേഹങ്ങള്‍ കണ്ടെത്തിയിട്ടുണ്ട്.
