യുഎഇ ലെ അജ്മാനിലുള്ള ബഹുനില കെട്ടിടത്തിൽ വൻ തീപിടുത്തം. സംഭവത്തിൽ 16 അപ്പാര്‍ട്ട്‌മെന്റുകളും 13 വാഹനങ്ങളും കത്തിനശിച്ചതായി സ്ഥിരീകരിച്ചു. എന്നാൽ, ആര്‍ക്കും പരിക്കേറ്റതായി റിപ്പോര്‍ട്ടുകളില്ല.
ഷെയ്ഖ് ഖലീഫ ബിന്‍ സായിദ് സ്ട്രീറ്റിലെ ബഹുനില കെട്ടിടത്തിലാണ് തീപിടുത്തമുണ്ടായത്.
അജ്മാന്‍ പൊലീസും സിവില്‍ ഡിഫന്‍സ് വിഭാഗവും ചേര്‍ന്ന് തീ നിയന്ത്രണ വിധേയമാക്കി.
കെട്ടിടത്തിലെ താമസക്കാരെയെല്ലാം വേഗത്തില്‍ ഒഴിപ്പിക്കാനായതിനാല്‍ വന്‍ ദുരന്തം ഒഴിവായതായി അധികൃതർ അറിയിച്ചു.
അതേസമയം, തീപിടിത്തം ഉണ്ടാകാനുള്ള കാരണം അന്വേഷിച്ചു വരികയാണെന്ന് അജ്മാന്‍ പൊലീസ് അറിയിച്ചു. തീ പിടിത്തത്തിന്റെ ദൃശ്യങ്ങള്‍ അജ്മാന്‍ പൊലീസ് സമൂഹ മാധ്യമത്തിലൂടെ പങ്കുവച്ചു.
