ഹമാസ് ഭീകരരുടെ നിയന്ത്രണത്തിലായിരുന്ന ഗാസയിലെ നാവികത്താവളം പിടിച്ചെടുത്ത് ഇസ്രായേല്‍. ഭീകരാക്രമണങ്ങള്‍ നടത്താന്‍ ഹമാസ് ഭീകരര്‍ ഉപയോഗിച്ചിരുന്ന നാലോളം കെട്ടിടങ്ങളും ഇസ്രായേല്‍ സൈന്യം തകര്‍ത്തു.
ഇസ്രായേല്‍ നാവികസേനയുടെ സഹായത്തോടെയാണ് ഹമാസിന്റെ നിയന്ത്രണത്തില്‍ പ്രവര്‍ത്തിച്ചിരുന്ന നാവികത്താവളം പിടിച്ചെടുത്തതെന്ന് ഇസ്രായേല്‍ പ്രതിരോധ സേന അറിയിച്ചു. നാവികത്താവളത്തിലെ പത്തോളം ടണലുകളും ഇസ്രായേല്‍ സൈന്യം തകര്‍ത്തു.
പിടിച്ചെടുത്ത നാവികത്താവളത്തില്‍ ഭീകരര്‍ക്ക് പരിശീലനം നല്‍കിയിരുന്നതായും ഇസ്രായേല്‍ പ്രതിരോധസേന അറിയിച്ചു. ഇസ്രായേലിന്റെ തിരിച്ചടിയില്‍ പത്തോളം ഹമാസ് ഭീകരരാണ് കൊല്ലപ്പെട്ടത്. ഹമാസിന്റെ നിയന്ത്രണത്തില്‍ പ്രദേശത്ത് പ്രവര്‍ത്തിച്ചിരുന്ന എല്ലാ കെട്ടിടങ്ങളും തകര്‍ത്തതായി ഐഡിഎഫ് അറിയിച്ചു.
