ഇംഗ്ലണ്ടിനെതിരായ ടി-20 പരമ്പരയ്ക്കുള്ള ഇന്ത്യൻ വനിതാ ടീമിനെ പ്രഖ്യാപിച്ചു. മലയാളിതാരം മിന്നുമണിയാണ് ഇന്ത്യൻ ടീമിന്റെ ക്യാപ്റ്റൻ. ഓഫ് സ്പിന്നറായ മിന്നുമണി മികച്ച ഒരു ഓൾറൗണ്ടർ കൂടിയാണ്.
മുംബൈ വാങ്കഡെ സ്റ്റേഡിയത്തിൽ നവംബർ 29 -നാണ് പരമ്പരമത്സരങ്ങൾ ആരംഭിക്കുന്നത്. തുടർന്ന് ഡിസംബർ 1, 3 തീയതികളിലായി രണ്ടു മത്സരങ്ങൾകൂടി വാങ്കഡെ സ്റ്റേഡിയത്തിൽ നടക്കും. ഒരു മലയാളിതാരം ഇന്ത്യൻ സീനിയർ ടീമിനെ നയിക്കുന്നെന്ന പ്രത്യേകതയും 29 -നു നടക്കുന്ന ടി-20 മത്സരത്തിനുണ്ട്.
പതിനാറാം വയസ്സിൽ കേരള ക്രിക്കറ്റ് ടീമിലെത്തിയ മിന്നു, വയനാട് ജില്ലയിലെ മാനന്തവാടി സ്വദേശിനിയാണ്. പത്തുവർഷമായി കേരള ക്രിക്കറ്റ് ടീമിലെ സ്ഥിരസാന്നിധ്യമാണ് മിന്നുമണി. 2019 -ൽ ബംഗ്ലദേശിൽ പര്യടനം നടത്തിയ ഇന്ത്യൻ-എ ടീമിലും അംഗമായിരുന്നു. അരങ്ങേറ്റ പരമ്പരയിൽതന്നെ അഞ്ച് വിക്കറ്റുകൾ സ്വന്തമാക്കിയ മിന്നു, ഏഷ്യാകപ്പ് ജൂനിയർ ചാമ്പ്യൻഷിപ്പിലും കളിച്ചിട്ടുണ്ട്.
