കൊച്ചിയിലെ റോഡുകളുടെ അവസ്ഥയെ പരിഹസിച്ച് ഹൈക്കോടതി. എല്ലാം സഹിക്കാനാണ് ജനങ്ങളുടെ വിധിയെന്നും ഒരു 200 കൊല്ലംകൊണ്ട് ഇതൊക്കെ ശരിയാവുമായിരിക്കുമെന്നും ഹൈക്കോടതി. റോഡുകളെപ്പറ്റി പറഞ്ഞ് കോടതിക്കുതന്നെ നാണം തോന്നുന്നുവെന്ന് ജസ്റ്റിസ് ദേവന്‍ രാമചന്ദ്രന്‍ പറഞ്ഞു.
മന്ത്രിമാരൊക്കെ റോഡുമാര്‍ഗം വരുന്നുണ്ടല്ലോ. അവരും റോഡുകള്‍ കാണട്ടെയെന്നും കോടതി പറഞ്ഞു. തകര്‍ന്ന റോഡുകളില്‍ ഇനി അപകടമുണ്ടായാല്‍ പെന്‍ഷന്‍ വാങ്ങി വീട്ടില്‍ പോകാമെന്ന് ഉദ്യോഗസ്ഥര്‍ വിചാരിക്കേണ്ടെന്ന് ഹൈക്കോടതി താക്കീത് നല്‍കി. എവിടെ വരെ പോകുമെന്ന് കോടതി നിരീക്ഷിക്കുകയാണെന്ന് ജസ്റ്റിസ് ദേവന്‍ രാമചന്ദ്രന്‍ പറഞ്ഞു.
