അറബ് ലോകത്തെ ഏറ്റവും സ്വാധീനമുളള വ്യക്തികളില്‍ ഒന്നാമതെത്തി സൗദി അറേബ്യ കിരീടാവകാശി മുഹമ്മദ് ബിന്‍ സല്മാന് അല്‍ സൗദ്. മൂന്നാം പ്രാവശ്യമാണ് സൗദി കിരീടാവകാശി ഒന്നാമതെത്തുന്നത്. ‘ആര്‍ ടി അറബിക്’ ചാനല്‍ നടത്തിയ അഭിപ്രായ വോട്ടെടുപ്പിലാണ് സൗദി കിരീടാവകാശി അറബ് ലോകത്ത് ഏറ്റവും സ്വധീനമുള്ള വ്യക്തിയായി വീണ്ടും തിരഞ്ഞെടുക്കപ്പെട്ടത്.
‘2023 ലെ അറബ് ലോകത്തെ ഏറ്റവും സ്വാധീനമുളള വ്യക്തിത്വം’ എന്ന അഭിപ്രായ വോട്ടെടുപ്പില്‍ 5,30,399 പേരില്‍ 69.3 ശതമാനം (3,66,403 വോട്ടുകള്‍) മുഹമ്മദ് ബിന്‍ സല്മാന് ലഭിച്ചു. 2023 ഡിസംബര്‍ 15ന് ആണ് വോട്ടെടുപ്പ് ആരംഭിച്ചത്. ജനുവരി ഏഴ് വരെ വോട്ടെടുപ്പ് നടന്നു.
റിയാദ് ആഗോള വിനോദ കേന്ദ്രമായി മാറാന്‍ പോകുകയാണ്. ഇത് പ്രാദേശിക സമ്പദ്വ്യവസ്ഥയെ സമ്പന്നമാക്കുമെന്നും ജനങ്ങളുടെ ജീവിത നിലവാരം ഉയര്‍ത്തുമെന്നും മുഹമ്മദ് ബിന്‍ സല്മാന് അഭിപ്രായ വോട്ടെടുപ്പിന് പിന്നാലെ പറഞ്ഞു.
