കോട്ടപ്പുറം രൂപത നിയുക്ത ബിഷപ് ഡോ. അംബ്രോസ് പുത്തന്‍വീട്ടിലിന്റെ മെത്രാഭിഷേകം ഇന്ന്. സെന്റ് മൈക്കിള്‍സ് കത്തീഡ്രല്‍ ദേവാലയത്തിനു മുമ്പില്‍ ഒരുക്കിയ വിശാലമായ പന്തലില്‍ ഉച്ചകഴിഞ്ഞു മൂന്നിനാണു തിരുക്കര്‍മങ്ങള്‍. വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പിലാണ് മുഖ്യകാര്‍മികന്‍.
വരാപ്പുഴ ആര്‍ച്ച്ബിഷപ് എമരിറ്റസ് ഡോ. ഫ്രാന്‍സിസ് കല്ലറയ്ക്കലും കോട്ടപ്പുറം ബിഷപ് എമരിറ്റസ് ഡോ. ജോസഫ് കാരിക്കശേരിയും മുഖ്യസഹകാര്‍മികരാകും. കെആര്‍എല്‍സിബിസി പ്രസിഡന്റും കോഴിക്കോട് ബിഷപ്പുമായ ഡോ. വര്‍ഗീസ് ചക്കാലയ്ക്കല്‍ വചനപ്രഘോഷണം നടത്തും. ഭാരതത്തിലെ വത്തിക്കാന്‍ പ്രതിനിധി ആര്‍ച്ച്ബിഷപ് ഡോ. ലെയോ പോള്‍ദോ ജിറേല്ലി, സീറോമലബാര്‍ സഭയുടെ മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടില്‍ എന്നിവര്‍ അനുഗ്രഹപ്രഭാഷണം നടത്തും.
ഇരുപതു ബിഷപ്പുമാരും മുന്നൂറോളം വൈദികരും നാനൂറോളം സന്യസ്തരും പങ്കെടുക്കും. മെത്രാഭിഷേക ച ടങ്ങുകള്‍ക്കുശേഷം നടക്കുന്ന അനുമോദന സമ്മേളനം മന്ത്രി പി. രാജീവ് ഉദ്ഘാടനം ചെയ്യും. കോട്ടപ്പുറം രൂപത അപ്പസ്‌തോലിക് അഡ്മിനിസ്‌ട്രേറ്റര്‍ ബിഷപ് ഡോ. അലക്‌സ് വടക്കുംതല അധ്യക്ഷത വഹിക്കും. ബിഷപ് മാര്‍ ബോസ്‌കോ പുത്തൂര്‍ മുഖ്യപ്രഭാഷണം നടത്തും. പ്രതിപക്ഷനേതാ വ് വി.ഡി. സതീശന്‍ മുഖ്യാതിഥിയാകും.
