തിങ്കളാഴ്ച യുഎസിലെ എലൈറ്റ് സര്‍വകലാശാലകളില്‍ സെമിറ്റിക് വിരുദ്ധ, ഭീകരവാദ അനുകൂല പ്രകടനങ്ങള്‍ അരങ്ങേറിയപ്പോള്‍, ടെക്സസ് റിപ്പബ്ലിക്കന്‍ പ്രതിനിധി ജോണ്‍ കാര്‍ട്ടറുടെ ഓഫീസ് ഇസ്രായേല്‍ വിരുദ്ധ പ്രവര്‍ത്തകര്‍ തകര്‍ത്തു. ‘അനിയന്ത്രിതരായ ഇസ്രായേല്‍ വിരുദ്ധ പ്രവര്‍ത്തകര്‍ ജോര്‍ജ്ജ്ടൗണ്‍ ഓഫീസ് തകര്‍ത്തു,’ റെപ് കാര്‍ട്ടര്‍ ഒരു സോഷ്യല്‍ മീഡിയ പോസ്റ്റില്‍ റിപ്പോര്‍ട്ട് ചെയ്തു.
ചുവന്ന പെയിന്റ് കൊണ്ട് വികൃതമാക്കിയ ഓഫീസിന്റെ ഫോട്ടോയും ‘ഫ്രീ ഗാസ’ എന്ന വാക്കുകളും പ്രതിനിധി പുറത്തു വിട്ടു. ‘ഇസ്രായേലിനുള്ള എന്റെ പിന്തുണ അചഞ്ചലമാണ്, നിങ്ങളുടെ ഭീഷണി വിലപ്പോകില്ല. രണ്ടാമതായി, ഉത്തരവാദികളായ കക്ഷികളെ കണ്ടെത്തുകയും നിയമത്തിന്റെ പരമാവധി പരിധിയില്‍ അവരെ പ്രോസിക്യൂട്ട് ചെയ്യുകയും ചെയ്യും’. ജോണ്‍ കാര്‍ട്ടര്‍ പറഞ്ഞു.
കഴിഞ്ഞ ഒക്ടോബര്‍ 7 ന് ഇസ്രായേലിനെ ആക്രമിക്കുകയും 1,200 പേരെ കൊല്ലുകയും സ്ത്രീകളെ ബലാത്സംഗം ചെയ്യുകയും ചെയ്ത ഭീകര സംഘടനയായ ഹമാസിനെ ഉന്മൂലനം ചെയ്യാന്‍ പോരാടുമ്പോള്‍ ഇസ്രായേലിനുള്ള പിന്തുണയില്‍ നിന്ന് തന്നെ അകറ്റാന്‍ ആഗ്രഹിക്കുന്നവര്‍ക്ക് കാര്‍ട്ടര്‍ മുന്നറിയിപ്പ് നല്‍കി.
