ഉക്രെയ്ന്‍ സന്ദര്‍ശിച്ച് പ്രധാനമന്ത്രി നരേന്ദ്ര മോദി. പ്രസിഡന്റ് സെലന്‍സ്‌കിയുമായി ഉഭയകക്ഷി ചര്‍ച്ച നടത്തി. കാര്‍ഷികം, ഭക്ഷ്യോത്പാദനം, മെഡിസിന്‍, സാംസ്‌കാരിക-മാനുഷിക പിന്തുണ എന്നീ നാല് സുപ്രധാന കരാറുകളില്‍ ഇരുരാജ്യങ്ങളും ഒപ്പുവച്ചു.
സംഘര്‍ഷത്തിന് അന്ത്യം കുറിച്ച് ഉക്രെയ്നും റഷ്യയും ഉടന്‍ സമാധാനം പുനസ്ഥാപിക്കണമെന്നും ലോകം ആഗ്രഹിക്കുന്നത് സമാധാനമാണെന്നും പ്രധാനമന്ത്രി കൂടിക്കാഴ്ചയില്‍ വ്യക്തമാക്കി. യുദ്ധത്തിന്റെ കാലം കഴിഞ്ഞു. റഷ്യ സന്ദര്‍ശിച്ച വേളയില്‍ ഇക്കാര്യം പ്രസിഡന്റ് പുടിനെ ഓര്‍മിപ്പിച്ചിരുന്നതായും മോദി വ്യക്തമാക്കി.
റഷ്യ-ഉക്രെയ്ന്‍ സംഘര്‍ഷം നിലനില്‍ക്കുന്നതിനാല്‍ വ്യോമപാതകള്‍ അടഞ്ഞുകിടക്കുന്ന പശ്ചാത്തലത്തില്‍ പോളണ്ടില്‍ നിന്ന് ട്രെയിന്‍ മാര്‍ഗമാണ് പ്രധാനമന്ത്രി മോദി കീവിലെത്തിയത്.
