ബാൾട്ടിക് കടലിലെ പവർ കേബിളിനും നിരവധി ഡാറ്റാ കേബിളുകൾക്കും കേടുപാടുകൾ വരുത്തിയോ എന്ന് അന്വേഷിക്കുന്നതിൽ സംശയിക്കപ്പെടുന്ന റഷ്യയുടെ ഒരു കപ്പൽ ഫിന്നിഷ് അധികൃതർ കസ്റ്റഡിയിലെടുത്തതായി പൊലീസ് പറഞ്ഞു. ഫിൻലൻഡ്‌ പൊലീസും അതിർത്തിസേനയും ചേർന്ന് വ്യാഴാഴ്ച പുലർച്ചെ ഈഗിൾ എസ് എന്ന കപ്പലാണ് പിടിച്ചെടുത്തത്.
ഫിൻലാന്റിന്റെ സമുദ്രാതിർത്തിയിൽ നങ്കൂരമിട്ട റഷ്യൻ കപ്പലാണ് പിടിച്ചെടുത്തത്. കുക്ക് ദ്വീപുകളിൽ ഈഗിൾ എസ് ഫ്ലാഗ് ചെയ്തിട്ടുണ്ടെങ്കിലും ഫിന്നിഷ് കസ്റ്റംസ് ഉദ്യോഗസ്ഥരും യൂറോപ്യൻ യൂണിയന്റെ എക്സിക്യൂട്ടീവ് കമ്മീഷനും റഷ്യയുടെ ഷാഡോ ഫ്ലീറ്റ് ഇന്ധന ടാങ്കറുകളുടെ ഭാഗമാണെന്ന് വിശേഷിപ്പിച്ചു. യുക്രൈനിലെ യുദ്ധത്തിനിടയിൽ പാശ്ചാത്യ ഉപരോധങ്ങൾ ഒഴിവാക്കാൻ ഏറ്റെടുത്തതും പാശ്ചാത്യ നിയന്ത്രിത ഇൻഷുറൻസ് ഇല്ലാതെ പ്രവർത്തിക്കുന്നതുമായ പഴയ ഉടമസ്ഥതയിലുള്ള കപ്പലുകളാണ് അവ.
“നിർണ്ണായകമായ അടിസ്ഥാന സൗകര്യങ്ങൾക്കെതിരായ സംശയാസ്പദമായ ആക്രമണങ്ങളുടെ പരമ്പരയിലെ ഏറ്റവും പുതിയതാണ് ഇത്. വളരെ വേഗത്തിൽ കപ്പൽ പിടിച്ചെടുക്കാൻ ഫിൻലാദ അധികൃതർക്ക് കഴിഞ്ഞതിൽ അഭിനന്ദനങ്ങൾ അർപ്പിക്കുന്നു” – യൂറോപ്യൻ യൂണിയന്റെ വിദേശനയ മേധാവി കാജ കല്ലാസ് ഒരു പ്രസ്താവനയിൽ പറഞ്ഞു.
ബാൾട്ടിക് കടലിനുകുറുകെ ഫിൻലാൻഡിൽനിന്ന് എസ്റ്റോണിയയിലേക്ക് വൈദ്യുതി എത്തിക്കുന്ന എസ്റ്റ്ലിങ്ക്-2 പവർ കേബിൾ ബുധനാഴ്ച തകർന്നു. രണ്ട് ഡാറ്റാ കേബിളുകൾക്കും നോർഡ് സ്ട്രീം ഗ്യാസ് പൈപ്പ്ലൈനുകൾക്കും കേടുപാടുകൾ സംഭവിച്ചതിനെ തുടർന്നാണ് ഇത്. ഇതേ തുടർന്നാണ് സംശയാസ്പദമായി കണ്ടെത്തിയ കപ്പൽ പിടിച്ചെടുത്തത്.
