ഫ്രാന്‍സിസ് മാര്‍പാപ്പയുടെ നിര്‍ദേശത്തെത്തുടര്‍ന്ന് വത്തിക്കാന്‍ വിദേശകാര്യമന്ത്രി ആര്‍ച്ച്ബിഷപ് പോള്‍ ഗല്ലഹാര്‍ കീവ് സന്ദര്‍ശിക്കും. യുക്രെയ്ന്‍ പ്രശ്‌നത്തില്‍ റഷ്യയുമായി ചര്‍ച്ചയ്ക്കുള്ള വഴിയൊരുക്കുന്നതിന്റെ ഭാഗമായാണു നീക്കം.
ഇന്ന് കീവിലെത്തുന്ന ആര്‍ച്ച്ബിഷപ് യുക്രെയ്ന്‍ വിദേശകാര്യമന്ത്രി ദിമിത്രോ കുലേബയുമായി കൂടിക്കാഴ്ച നടത്തും. ഈസ്റ്ററിനു മുന്പ് കൂടിക്കാഴ്ച നടത്താനാണു നിശ്ചയിച്ചിരുന്നതെങ്കിലും ആര്‍ച്ച്ബിഷപ് കോവിഡ് ബാധിതനായി വിശ്രമത്തിലായിരുന്നു. ബുധനാഴ്ച ലിവിവിലെത്തുന്ന ആര്‍ച്ച്ബിഷപ് അഭയാര്‍ഥികളുമായും പ്രാദേശിക ഭരണകൂട നേതാക്കളുമായും ചര്‍ച്ച നടത്തും.
