റിക്രൂട്ട് ചെയ്യുന്നവരിൽ ധാർമികബോധം വളർത്താൻ ലക്ഷ്യമിട്ട് സിറിയയിലെ പുതിയ അധികാരികൾ അവരുടെ പൊലീസ് പരിശീലനത്തിൽ ഇസ്ലാമിക പഠിപ്പിക്കലുകൾ ഉൾപ്പെടുത്തുന്നു. ബാഷർ അൽ അസദിന്റെ അഴിമതിയും ക്രൂരവുമായ സുരക്ഷാസേനയെ തകർത്ത് പൊലീസ് സേനയെ പുനർനിർമിക്കാൻ പ്രവർത്തിക്കുന്നതിനിടയിലാണ് ഈ നീക്കം.
ഇദ്‌ലിബിന്റെ വടക്കുപടിഞ്ഞാറൻ മേഖലയിൽനിന്നുള്ള ഓഫീസർമാരുള്ള പുതിയ പൊലീസ് സേന, അവരുടെ പരിശീലനത്തിൽ ഇസ്ലാമിക ശരീ-അത്ത് നിയമത്തിൽ ശ്രദ്ധ കേന്ദ്രീകരിക്കുന്നു. എന്നിരുന്നാലും ഈ സമീപനം ചില സിറിയക്കാർക്കിടയിൽ, പ്രത്യേകിച്ച് ന്യൂനപക്ഷങ്ങളിലും മതേതര സുന്നി മുസ്‌ലിംകളിലും ആശങ്ക ഉയർത്തുന്നു. ഇത് രാജ്യത്ത് വിവേചനത്തിനും കൂടുതൽ വിഭജനത്തിനും ഇടയാക്കുമെന്ന് ഭയപ്പെടുന്നു.
പാശ്ചാത്യ ഗവൺമെന്റുകൾക്കിടയിൽ ഇസ്ലാമികനിയമത്തെ പൊലീസ് പരിശീലനത്തിലേക്ക് സംയോജിപ്പിക്കുന്നത് ആശങ്കകൾക്ക് കാരണമായിട്ടുണ്ട്. സിറിയയുടെ യഥാർഥ നേതാവ് അഹമ്മദ് അൽ-ഷാറ, തന്റെ വിഭാഗം മിതത്വത്തോടെ ഭരിക്കും. ന്യൂനപക്ഷങ്ങളെ സംരക്ഷിച്ചും അൽ ഖ്വയ്ദയുമായുള്ള മുൻബന്ധം ഉപേക്ഷിച്ചും ഭരിക്കുമെന്ന് പാശ്ചാത്യ ഉദ്യോഗസ്ഥർക്ക് ഉറപ്പുനൽകിയിരുന്നു. ഈ ഉറപ്പുകളുണ്ടായിരുന്നിട്ടും, പൊലീസ് പരിശീലനത്തിലെ ഇസ്ലാമികനിയമത്തിൽ ശ്രദ്ധ കേന്ദ്രീകരിക്കുന്നത് പുതിയ സേനയിൽ ചേരുന്നതിൽനിന്ന് ചില വ്യക്തികളെ പിന്തിരിപ്പിച്ചു.
പുതിയ പൊലീസ് സേനയ്ക്ക് ജീവനക്കാരുടെ പരിമിതികളും റിക്രൂട്ട്‌മെന്റ് വിപുലീകരിക്കേണ്ടതിന്റെ ആവശ്യകതയും ഉൾപ്പെടെ കാര്യമായ വെല്ലുവിളികൾ നേരിടുന്നു. പുതിയ പൊലീസ് സേവനത്തിൽ ചേരാൻ രണ്ടുലക്ഷത്തിലധികം ആളുകൾ രജിസ്റ്റർ ചെയ്തിട്ടുണ്ട്. എന്നാൽ അസദിന്റെ പതനത്തിനുമുമ്പ് വിമതപക്ഷത്തേക്ക് മാറാത്തവരെ ചേരാൻ അനുവദിക്കുമോ എന്ന് കണ്ടറിയണം. സുസ്ഥിരവും വിശ്വാസയോഗ്യവുമായ ഒരു പൊലീസ് സേന സ്ഥാപിക്കാൻ സിറിയയുടെ പുതിയ നേതാക്കൾ പ്രവർത്തിക്കുമ്പോൾ 13 വർഷത്തെ ആഭ്യന്തരയുദ്ധത്തിനുശേഷം വൈവിധ്യമാർന്ന ഒരു രാജ്യം പുനർനിർമിക്കുന്നതിന്റെ സങ്കീർണ്ണതകൾ നിലവിൽ അഭിമുഖീകരിക്കണം.
