ജനറേറ്റീവ് ആർട്ടിഫിഷ്യൽ ഇന്റലിജൻസിന്റെ (എ ഐ) ഉപയോഗം ജപ്പാനിലെ ഫാഷൻ വ്യവസായത്തിൽ വലിയ വിപ്ലവങ്ങൾ സൃഷ്ടിച്ചുകൊണ്ടിരിക്കുകയാണ്. ഡിസൈനർമാർ വസ്ത്രങ്ങൾ സൃഷ്ടിക്കുകയും നിർമ്മിക്കുകയും ചെയ്യുന്ന രീതിയിൽ ഇത് നല്ല രീതിയിൽ മാറ്റം വരുത്തുന്നു. സങ്കീർണ്ണമായ പാറ്റേണുകൾ സൃഷ്ടിക്കുന്നതു മുതൽ റിയലിസ്റ്റിക് മോഡലുകൾ സൃഷ്ടിക്കുന്നതുവരെ ഇതിൽ ഉൾപ്പെടുന്നതിനാൽ ഫാഷൻ ഡിസൈനിങിന് അതിർവരമ്പുകൾ ഇല്ലാതായിമാറി.
എന്നിരുന്നാലും എ ഐ വ്യവസായവുമായി കൂടുതൽ സംയോജിപ്പിക്കപ്പെടുന്നതിനാൽ, വ്യാജ ഡിസൈനിനുള്ള സാധ്യതയും ഡിസൈൻ മോഷണവും സംബന്ധിച്ച ആശങ്കകളും പിന്നാലെ ഉയർന്നുവരുന്നു. ഫാഷനിലെ എ ഐ യുടെ ഉപയോഗം നിയന്ത്രിക്കുന്നതിനുള്ള ദേശീയ അല്ലെങ്കിൽ വ്യവസായ മാർഗനിർദേശങ്ങളൊന്നും ഇല്ലാത്തതിനാൽ, നിർമ്മാതാക്കൾക്കും ബ്രാൻഡ് നെയിം കമ്പനികൾക്കും ഈ പ്രശ്‌നങ്ങൾക്ക് പരിഹാരം കണ്ടെത്തേണ്ടത് ആവശ്യമായി മാറിക്കൊണ്ടിരിക്കുന്നു.
ഈ വെല്ലുവിളികൾക്കിടയിലും പല ഡിസൈനർമാരും അവരുടെ സർഗാത്മകത വർധിപ്പിക്കുന്നതിനും അവരുടെ ഡിസൈൻപ്രക്രിയ കാര്യക്ഷമമാക്കുന്നതിനുമുള്ള ഒരു ഉപകരണമായി എ ഐ സ്വീകരിക്കുന്നു. എങ്കിലും എ ഐ യുടെ സംയോജനത്തോടെ ഫാഷൻ വ്യവസായം വികസിക്കുന്നത് തുടരുമ്പോൾ, ഈ പ്രശ്നങ്ങൾ എങ്ങനെ പരിഹരിക്കപ്പെടുമെന്നും അതിവേഗം മാറിക്കൊണ്ടിരിക്കുന്ന ഈ വ്യവസായത്തിന്റെ ഭാവി എന്തായിരിക്കുമെന്നും കാണേണ്ടതുണ്ട്.
