വ്യോമാക്രമണത്തിലൂടെ 9 റഷ്യന്‍ ടാങ്കുകള്‍ കൂടി തകര്‍ത്തതായി യുക്രെയ്ന്‍ പ്രതിരോധ മന്ത്രാലയം. ആക്രമണം നടത്തുന്നതിന്റെ വീഡിയോ ദൃശ്യവും അവര്‍ ട്വിറ്ററില്‍ പങ്കുവച്ചു. തകര്‍ക്കപ്പെട്ട റഷ്യന്‍ ടാങ്കുകളുടെ എണ്ണം അധികം വൈകാതെ 2000 ആകുമെന്നും യുക്രൈന്‍ അവകാശപ്പെട്ടു.
തകര്‍ന്ന ടാങ്കുകള്‍ക്കിടയിലൂടെ ഓടുന്ന മറ്റൊരു ടാങ്കിനു നേരെയാണ് വ്യോമാക്രമണം നടത്തിയത്. മറ്റു സ്ഥലങ്ങളില്‍ ആക്രമണം നടത്തുന്നതിന്റേയും ദൃശ്യങ്ങള്‍ പങ്കുവച്ചിട്ടുണ്ട്. അതേസമയം എവിടെ നിന്നുള്ള ദൃശ്യങ്ങളാണിതെന്ന് വ്യക്തമാക്കിയിട്ടില്ല.
കഴിഞ്ഞ ദിവസവും സമാനമായ ട്വീറ്റ് യുക്രെയ്ന്‍ പങ്കുവച്ചിരുന്നു. ”അവര്‍ക്ക് മൂന്നു ദിവസം കൊണ്ട് കീവ് കീഴടക്കുകയായിരുന്നു ലക്ഷ്യം. എന്നാല്‍ ചിലത് തെറ്റിപ്പോയി. അധിനിവേശക്കാരുടെ അവശേഷിപ്പുകള്‍ ചെര്‍ണീവ് പ്രദേശത്തെ ആക്രിസാധനങ്ങളാണ്’ എന്ന കുറിപ്പോടുകൂടിയാണ് കഴിഞ്ഞ ദിവസം ട്വീറ്റ് ചെയ്തത്.
