ലോകത്തെ അതിസമ്പന്നരുടെ പട്ടികയില്‍ മൂന്നാം സ്ഥാനത്തെത്തി ഗൗതം അദാനി. ബ്ലൂംബര്‍ഗ് കോടീശ്വര പട്ടികയിലെത്തുന്ന ആദ്യ ഏഷ്യക്കാരനാണ് 13,700 കോടി ഡോളര്‍ ആസ്തിയുള്ള അദാനി ഗ്രൂപ്പ് ചെയര്‍മാന്‍.
ടെസ്ല സ്ഥാപകന്‍ ഇലോണ്‍ മസ്‌ക്(25,100 കോടി ഡോളര്‍), ആമസോണ്‍ സിഇഒ ജെഫ് ബെസോസ്(15,300 കൊടി ഡോളര്‍) എന്നിവരാണ് ആദ്യ സ്ഥാനക്കാര്‍. റിലയന്‍സ് മേധാവി മുകേഷ് അംബാനി 11-ാം സ്ഥാനത്താണ്.
ഇന്ത്യയിലെ ഏറ്റവും വലിയ സ്വകാര്യ തുറമുഖ, എയര്‍പോര്‍ട്ട് ഓപ്പറേറ്റിങ് ശൃഖംലയുടെയും സിറ്റി ഗ്യാസ് വിതരണഗ്രൂപ്പിന്റെയും ഉടമയാണ് ഗൗതം അദാനി. രാജ്യത്തെ കല്‍ക്കരി വ്യാപാരത്തിലെ പ്രധാനിയുമാണ്. എന്‍ഡിടിവി പിന്‍വാതിലിലൂടെ കൈപ്പിടിയിലൊതുക്കാന്‍ നീക്കം നടത്തുകയാണിപ്പോള്‍ അദാനി.
