ജമ്മു കാശ്മീരിൽ തീവ്രവാദികളും സുരക്ഷാ സേനയുമായി നടന്ന ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടു. കാശ്മീരിലെ അനന്ത്‌നാഗ് ജില്ലയിൽ ടെങ്പോ ഗ്രാമത്തിലാണ് സുരക്ഷ സേനയും തീവ്രവാദികളും തമ്മിൽ സംഘട്ടനം ഉണ്ടായത്. ഏറ്റുമുട്ടൽ ഇപ്പോഴും തുടരുകയാണ്.
ഒക്ടോബർ അഞ്ചിന് ഷോപ്പിയാൻ ജില്ലയിലും തീവ്രവാദികളുമായി സംഘട്ടനം നടന്നിരുന്നു. ഇതിൽ ജെഎം ഭീകരർ ഉൾപ്പെടെ നാല് തീവ്രവാദികളെയാണ് സേന വധിച്ചത്.
കൊല്ലപ്പെട്ട ഭീകരർക്ക് പശ്ചിമ ബംഗാൾ സ്വദേശിയായ തൊഴിലാളിയുടേയും പുൽവാമയിലെ എസ്പിഒ ജാവേദ് ദാറിന്റെയും കൊലപാതകത്തിൽ പങ്കുണ്ടെന്നു കാശ്മീർ പോലീസ് വെളിപ്പെടുത്തുന്നു.
