ഗുജറാത്തില്‍ ജവാന്മാർ സഞ്ചരിച്ച ബസ് മറിഞ്ഞുണ്ടായ അപകടത്തില്‍ ഒമ്പതു സ്റ്റേറ്റ് റിസർവ് പൊലീസ് ഉദ്യോഗസ്ഥർ മരിച്ചു. വാഹനത്തിലുണ്ടായിരുന്ന 38 പേര്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. തിങ്കളാഴ്ച വൈകിട്ടായിരുന്നു അപകടം.
മൂന്നുദിവസത്തെ ഫയറിംഗ് പരിശീലനം പൂർത്തിയാക്കി മടങ്ങിയ ജവാന്മാർ സഞ്ചരിച്ച ബസ് ഗുജറാത്തിലെ പഞ്ച്മഹലിൽവച്ച് അപകടത്തില്‍പെടുകയായിരുന്നു. ബസിന്റെ ബ്രേക്ക് നഷ്ടപ്പെട്ടതാണ് അപകടകാരണമെന്നാണ് പ്രാഥമിക നിഗമനം. 50 പേരായിരുന്നു ബസിൽ ആകെ ഉണ്ടായിരുന്നത്. പരിക്കേറ്റവരെ വഡോദരയിലെ സർക്കാർ ആശുപത്രിയിൽ പ്രവേശിപ്പിച്ചു. 29 പേർ ആശുപത്രി വിട്ടു. സംഭവത്തിൽ അന്വേഷണം നടന്നുവരുന്നതായി പൊലീസ് അറിയിച്ചു.
