ഇറാന്റെ സൈനിക കേന്ദ്രത്തിലുണ്ടായ വാതക ചോര്‍ച്ചയെ തുടര്‍ന്ന് രണ്ടുപേര്‍ മരിച്ചു. 10 പേര്‍ക്ക് പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. ഇസ്ഫഹാന്‍ പ്രവിശ്യയിലെ ഇറാനിയന്‍ റെവല്യൂഷനറി ഗാര്‍ഡിന്റെ വര്‍ക്ക് ഷോപ്പില്‍ ബുധനാഴ്ച രാത്രിയാണ് ചോര്‍ച്ചയുണ്ടായത്. ക്യാപ്റ്റന്‍ മുജ്തബ നസാരിയും ലെഫ്റ്റനന്റ് കേണല്‍ മുഖ്താര്‍ മുര്‍ഷിദിയുമാണ് മരിച്ചത്.
കൂടുതല്‍ വിവരങ്ങള്‍ റെവല്യൂഷനറി ഗാര്‍ഡ് പുറത്തുവിട്ടിട്ടില്ല. ഹമാസ് നേതാവ് ഇസ്മയില്‍ ഹനിയ തെഹ്‌റാനില്‍ കൊല്ലപ്പെട്ടതിനെ തുടര്‍ന്ന് ഇറാന്‍-ഇസ്രായേല്‍ യുദ്ധ ഭീതി നിലനില്‍ക്കുമ്പോഴാണ് വാതക ചോര്‍ച്ച. 2011ല്‍ മിസൈല്‍ താവളത്തിലുണ്ടായ സ്ഫോടനത്തില്‍ മിസൈല്‍ പദ്ധതിയുടെ തലവനായ കമാന്‍ഡര്‍ ഹസന്‍ തെഹ്റാനി മുഗദ്ദം ഉള്‍പ്പെടെ 17 പേര്‍ കൊല്ലപ്പെട്ടിരുന്നു.
