സ്വാതന്ത്ര്യ ദിനത്തോടനുബന്ധിച്ച് ആമസോൺ ഗ്രേറ്റ് ഫ്രീഡം ഫെസ്റ്റിവല്‍ ആരംഭിച്ചു. ഉപയോക്താക്കള്‍ ഏറെ ആകാംഷയോടെ കാത്തിരുന്ന ഫെസ്റ്റിവല്‍ വെള്ളിയാഴ്ച ഉച്ചയ്ക്ക് 12 മണി മുതലാണ് ആരംഭിച്ചത്. അതേസമയം, ആമസോൺ പ്രൈം ഉപഭോക്താക്കൾക്കുള്ള സെയിൽ വ്യാഴാഴ്ച ഉച്ചയ്ക്ക് 12 മണി മുതൽ തന്നെ ആരംഭിച്ചിരുന്നു.
ഫ്രീഡം ഫെസ്റ്റിവല്ലിനോടനുബന്ധിച്ച് ഉൽപ്പന്നങ്ങൾക്ക് ഗംഭീര ഓഫറുകളാണ് ആമസോൺ ഒരുക്കിയിട്ടുള്ളത്. അതിനാൽ, ഓൺലൈൻ ഷോപ്പിംഗ് ഇഷ്ടപ്പെടുന്നവർക്ക് ഉൽപ്പന്നങ്ങൾ വാങ്ങാൻ മികച്ച അവസരം കൂടിയാണിത്. എസ്ബിഐ ക്രെഡിറ്റ് കാർഡ് ഉപഭോക്താക്കളാണെങ്കിൽ, മറ്റു ഓഫറുകൾക്ക് പുറമേ, 10 ശതമാനം അധിക കിഴിവും ലഭിക്കും.
ഷവോമി, ആപ്പിൾ, വൺപ്ലസ് തുടങ്ങിയ കമ്പനികളുടെ ഫോണുകൾക്ക് 40 ശതമാനം വരെയാണ് കിഴിവ്. മറ്റു ഇലക്ട്രോണിക്സ് ഉപകരണങ്ങൾക്ക് 75 ശതമാനം വരെയും കിഴിവുകൾ പ്രഖ്യാപിച്ചിട്ടുണ്ട്. ഫാഷൻ ആക്സസറികൾ കുറഞ്ഞ വിലയ്ക്ക് കൂടുതൽ വാങ്ങാൻ സാധിക്കുമെന്നതാണ് ആമസോൺ ഗ്രേറ്റ് ഫ്രീഡം ഫെസ്റ്റിവലിന്റെ പ്രധാന പ്രത്യേകത.
