ആപ്പിൾ ഇൻ കോർപ്പറേറ്റഡിൻറെ എറ്റവും പുതിയ മോഡലായ ഐ ഫോൺ 14 സീരീസ് വില്പന ഇന്ത്യയിലും ആരംഭിച്ചു. 89,900 രൂപയാണ് ഇന്ത്യൻ വിപണികളിൽ 14 പ്ലസിന്റ് വില. കഴിഞ്ഞ മാസമാണ് 14 പ്ലസ് സീരീസ് ആപ്പിൾ ലോഞ്ച് ചെയ്തതത്.
256 ജിബി സ്റ്റോറേജ് വേരിയന്റിന് 99,900 രൂപയും 512 ജിബി സ്റ്റോറേജ് വേരിയന്റിന് 1,19,900 രൂപയുമാണ് വില. അതേസമയം എച്ച് ഡി എഫ് സി ബാങ്ക് കാർഡോ, അമേരിക്കൻ എക്സ്പ്രസ് ക്രെഡിറ്റ് കാർഡോ ഉപയോഗിച്ച് ഫോണ് വാങ്ങിയാൽ 7,000 രൂപ വരെ കിഴിവ് ലഭിക്കും. ദീപാവലി ഓഫർ പ്രകാരമാണ് ഈ കിഴിവ്.
മികച്ച ബാറ്ററി ലൈഫ്, ഡ്യൂവൽ ക്യാമറ സിസ്റ്റം, 6.7 ഇഞ്ച് സൂപ്പർ റെറ്റിന എച്ച് ഡി ആർ ഡിസ്പ്ലേ, ക്രാഷ് ഡിറ്റക്ഷൻ തുടങ്ങി നിരവധി പ്രത്യേകതളോട് കൂടിയാണ് ഐ ഫോൺ 14 സീരീസ് വിപണിയിൽ എത്തിയിരിക്കുന്നത്. കൂടാതെ ഹെക്സോ കോർ ആപ്പിൾ എ15 ബയോണിക്ക് പ്രൊസസറാണ് ഐ ഫോൺ 14 പ്ലസിനുള്ളത്.
