ബിഹാറിൽ ട്രെയിൻ പാളം തെറ്റി നാല് പേ‍ർ മരിക്കുകയും 100 ലേറെ പേർക്ക് പരിക്കേൽക്കുകയും ചെയ്തു. നോർത്ത് ഈസ്റ്റ് സൂപ്പർഫാസ്റ്റ് ട്രെയിനിന്റെ 12 ഓളം കോച്ചുകളാണ് പാളം തെറ്റിയത്. ബക്സർ ജില്ലയിലെ രഘുനാഥ്പൂർ റെയിൽവേ സ്റ്റേഷനിൽ ബുധനാഴ്ച രാത്രി 11.35 ഓടെയാണ് അപകടമുണ്ടായത്.
ബിഹാറിൽ നിന്ന് അസ്സമിലെ കാമഖ്യയിലേക്ക് പോകുകയായിരുന്നു ട്രെയിനാണു അപകടത്തിൽപെട്ടത്. പാളം തെറ്റിയതിന്റെ കാരണം അന്വേഷിക്കുന്നതിനിടെ പാളം തെറ്റിയ കോച്ചുകൾ ട്രാക്കിലേക്ക് മാറ്റാനുള്ള ശ്രമങ്ങൾ തുടരുകയാണ്. പാളം തെറ്റിയതിന്റെ കാരണം അന്വേഷിക്കുന്നുവെന്ന് റെയിൽ വെ അധികൃത‍‌ർ അറിയിച്ചു. സംഭവത്തെ തുടർന്നുണ്ടായ നഷ്ടം റെയിൽവേ ഇതുവരെ വിലയിരുത്തിയിട്ടില്ല.
അതേസമയം, അപകടത്തിൽ മരിച്ച നാലുപേരുടെ കുടുംബത്തിന് റെയിൽവേ 10 ലക്ഷം രൂപ വീതം നഷ്ടപരിഹാരം പ്രഖ്യാപിച്ചു. പരിക്കേറ്റവർക്ക് 50,000 രൂപയും നൽകും
