കേരള കാത്തലിക് എഞ്ചിനീറിംഗ് കോളേജ് മാനേജ്‌മെന്റ്‌സ് അസോസിയേഷന്‍ നേതൃസമിതിയും വിവിധ എഞ്ചനീയറിംഗ് വിദ്യാഭ്യാസ പദ്ധതികളുടെ ഉദ്ഘാടനവും ജൂലൈ ഏഴ് വ്യാഴാഴ്ച കാഞ്ഞിരപ്പിള്ളി അമല്‍ജ്യോതി എഞ്ചിനീറിംഗ് കോളേജ് ഓഡിറ്റോറിയത്തില്‍ നടത്തപ്പെടും.
രാവിലെ 11 – ന് ആരംഭിക്കുന്ന അസോസിയേഷന്‍ എക്‌സിക്യൂട്ടീവ് സമിതിയെ തുടര്‍ന്ന് കാത്തലിക് എഞ്ചിനീറിംഗ് കോളേജ് മാനേജ്‌മെന്റ്‌സ് അസോസിയേഷന്റെ പ്രവര്‍ത്തന വര്‍ഷത്തിന്റെയും വിദ്യാഭ്യാസ പദ്ധതികളുടെയും ഉദ്ഘാടനം കാഞ്ഞിരപ്പിള്ളി രൂപതാ ബിഷപ്പ് മാര്‍ ജോസ് പുളിക്കല്‍ നിര്‍വഹിക്കും. കാത്തലിക് എഞ്ചിനീറിംഗ് കോളേജ് മാനേജ്‌മെന്റ്‌സ് അസോസിയേഷന്‍ പ്രസിഡന്റ് റവ. ഡോ. മാത്യു പായിക്കാട്ട് അധ്യക്ഷത വഹിക്കും. സെക്രട്ടറി റവ. ഡോ. ജോസ് കുറിയേടത്ത്, എക്‌സിക്യൂട്ടീവ് സെക്രട്ടറി ഷെവലിയാര്‍ അഡ്വ. വി. സി. സെബാസ്റ്റ്യന്‍ എന്നിവര്‍ വിഷയാവതരണങ്ങള്‍ നടത്തും.
ഫാ. റോയി വടക്കന്‍, ഫാ.ഡെന്നി മാത്യു പെരിങ്ങാട്ട്, മോണ്‍ തോമസ് കാക്കശ്ശേരി, മോണ്‍. വില്‍ഫ്രഡ് ഇ. ഫാ. ബോബി മണ്ണംപ്‌ളാക്കല്‍, ഫാ. പോള്‍ നെടുംപുറം, ഫാ. മാത്യു കോരംകുഴ, ഫാ. ജോര്‍ജ് പാറമേല്‍, ഫാ. ജെയിംസ് ചെലങ്കോട്ട്, ഫാ. മാത്യു അറേക്കളം, ഫാ. ജസ്റ്റിന്‍ ആലുങ്കല്‍, ഫാ. ജോണ്‍ പാലിയക്കര, ഫാ. ജോര്‍ജ് റബയ്‌റോ, ഫാ. ജോണ്‍ വര്‍ഗീസ്, ഫാ. ബിജോയ് റ്റി എന്നിവര്‍ സംസാരിക്കും.
ആഗോള ആധുനിക സാങ്കേതിക മാറ്റങ്ങള്‍ക്കനുസരിച്ച് കേരളത്തിലെ എഞ്ചിനീറിംഗ് വിദ്യാഭ്യാസ മേഖലയില്‍ സമഗ്രമായ വളര്‍ച്ച ലക്ഷ്യംവെച്ച് ദേശീയ രാജ്യാന്തര വിദ്യാഭ്യാസ ഏജന്‍സികളുമായി സഹകരിച്ചുള്ള പ്രവര്‍ത്തനങ്ങള്‍ കാത്തലിക് എഞ്ചിനീറിംഗ് കോളേജ് മാനേജ്‌മെന്റ്‌സ് അസോസിയേഷന്‍ നടപ്പിലാക്കുമെന്ന് സെക്രട്ടറി ഫാ. ജോസ് കുറിയേടത്ത് അറിയിച്ചു.
