ഉപവാസത്തിന്റെയും പ്രാര്‍ത്ഥനയുടെയും വഴികളിലൂടെ സഞ്ചരിച്ച ക്രൈസ്തവലോകം പ്രത്യാശയുടെ സന്ദേശവുമായി ഇന്ന് ഉയിര്‍പ്പ് തിരുനാള്‍ ആഘോഷിക്കുന്നു. പീഡാനുഭവങ്ങള്‍ക്കും കുരിശുമരണത്തിനും ശേഷം ലോകത്തിന് പ്രത്യാശയേകി ക്രിസ്തു ഉയിര്‍ത്തെഴുന്നേറ്റതിന്റെ സന്തോഷത്തിലാണ് ഈസ്റ്റര്‍ ആഘോഷിക്കുന്നത്.
വിശുദ്ധവാരത്തിലൂടെ കടന്നുവന്ന ക്രൈസ്തവര്‍ക്ക് ഇത് ആനന്ദിന്റെയും ആഘോഷത്തിന്റെയും വേളയാണ്. ഉയിര്‍പ്പു തിരുനാളിനോട് അനുബന്ധിച്ച് ദൈവാലയങ്ങളില്‍ പ്രത്യേക തിരുക്കര്‍മ്മങ്ങള്‍ നടക്കും. പല ദൈവാലയങ്ങളിലും രാത്രി കുര്‍ബാനകളും ഉയിര്‍പ്പ് തിരുക്കര്‍മ്മവും നടന്നു. ഉയിര്‍പ്പ് തിരുനാളോടെ ഈ വര്‍ഷത്തെ വിശുദ്ധ വാരത്തിന് അവസാനമാവുകയാണ്.
