ഐഎഎസുകാരിയായി തന്റെ മുന്നിലെത്തിയ മകള്‍ക്ക് പോലീസ് യൂണിഫോമില്‍നിന്ന് സല്യൂട്ട് ചെയ്ത് അച്ഛന്‍. ഐഎഎസ് പരിശീലനത്തിന്റെ ഭാഗമായി പോലീസ് അക്കാദമിയിലെത്തിയ മകള്‍ എ. ഉമാ ഹാരതിയെ എസ്പി എന്‍. വെങ്കടേശ്വരലു സല്യൂട്ട് ചെയ്യുന്ന ഈ ചിത്രം സമൂഹമാധ്യമങ്ങളില്‍ പ്രചരിച്ചിരുന്നു.
ഹൈദരാബാദ് പോലീസ് അക്കാദമിയുടെ ഡപ്യൂട്ടി ഡയറക്ടറാണ് എസ്പി എന്‍.വെങ്കടേശ്വരലു. 2022ലെ ഐഎഎസ് മൂന്നാം റാങ്കുകാരിയാണ് എ.ഉമാ ഹാരതി. കവാടത്തില്‍ മകളെയും സംഘത്തെയും സ്വീകരിച്ച അച്ഛന്‍ യൂണിഫോമില്‍ നീട്ടിയൊരു സല്യൂട്ട് നല്‍കുകയായിരുന്നു. ഇരുവര്‍ക്കും അത് അഭിമാനനിമിഷമായിരുന്നു.
