ഹമാസിന്റെ നാവികസേനാ കമാന്‍ഡറെ വ്യോമാക്രമണത്തില്‍ കൊലപ്പെടുത്തിയതായി ഇസ്രായേല്‍ പ്രതിരോധ സേന. ഹമാസിന്റെ ഖാന്‍ യൂനിസ് നാവികസേനയുടെ കമാന്‍ഡര്‍ അമര്‍ അബു ജല്ലാഹിനെയാണ് ഇസ്രായേല്‍ സൈന്യം കൊലപ്പെടുത്തിയത്. ഐഡിഎഫ് നടത്തിയ വ്യോമാക്രമണത്തിലാണ് അബു ജല്ലാഹ് കൊല്ലപ്പെട്ടത്.
യുദ്ധത്തിന്റെ ആദ്യ ഘട്ടം മുതല്‍ ഇസ്രായേല്‍ പ്രതിരോധ സേനയ്ക്ക് നേരെ ശക്തമായ നാവിക ആക്രമണങ്ങള്‍ നടത്തിയത് അബു ജല്ലാഹിന്റെ നേതൃത്വത്തിലാണ് ഐഡിഎഫ് വ്യക്തമാക്കി. അബു ജല്ലാഹിന് പുറമെ മറ്റൊരു ഹമാസ് ഭീകരനും ഇസ്രായേല്‍ സൈന്യത്തിന്റെ ആക്രമണത്തില്‍ കൊല്ലപ്പെട്ടു. ഹമാസിന്റെ രഹസ്യ കേന്ദ്രങ്ങളും, പരിശീലന പോസ്റ്റുകളും, ആയുധങ്ങള്‍ സൂക്ഷിക്കുന്ന കേന്ദ്രവും സൈന്യം ആക്രമണത്തില്‍ തകര്‍ത്തതായാണ് വിവരം.
