ഏകദിന ക്രിക്കറ്റ് ലോകകപ്പിലെ എട്ടാം വിജയം തേടി ഇന്ത്യ ഇന്നിറങ്ങും. ലോകകപ്പിൽ ഇതുവരെ ഒരു മത്സരം മാത്രം പരാജയപ്പെട്ട ദക്ഷിണാഫ്രിക്കയാണ് എതിരാളികൾ. കൊൽക്കത്തയിലെ ഈ‍ഡൻ ഗാർഡൻ സ്റ്റേഡിയത്തിലാണ് മത്സരം.
ലോകകപ്പ് ചരിത്രത്തിലെ അപരാജിത കുതിപ്പിലാണ് ഇന്ത്യ. അലസത ഉപേക്ഷിച്ച് ശ്രേയസ് അയ്യരും നന്നായി കളിച്ചതോടെ ഇന്ത്യൻ നിരയിലെ എല്ലാവരും ഫോമിലേക്ക് ഉയർന്നു. ലോകകപ്പുകളിൽ ഓസ്ട്രേലിയ നടത്തിയിരുന്ന അപരാജിത മുന്നേറ്റം. നിലവിൽ സെമി ഫൈനൽ ഉറപ്പിച്ച ടീമാണ് ഇന്ത്യ.
അതേസമയം, ടെസ്റ്റ് പദവി പോലുമില്ലാത്ത നെതർലൻഡ്സ് എന്ന രാജ്യത്തോട് അടിയറവ് പറഞ്ഞ ദക്ഷിണാഫ്രിക്കയ്ക്ക്
ഇന്ന് വിജയം മാത്രമാണ് ലക്ഷ്യം. ഇന്ത്യൻ ക്രിക്കറ്റിന്റെ മെക്കയിൽ ദക്ഷിണാഫ്രിക്ക കരുത്ത് കാട്ടുമോയെന്ന് കണ്ടറിയാം.
