ഇന്ത്യൻ വ്യോമസേനയുടെ യുദ്ധവിമാനം മിഗ് 21 വീടിനു മുകളിൽ തകർന്നു വീണു. രാജസ്ഥാനിലെ ഹനുമൻഗഡിൽ ആണ് അപകടം സംഭവിച്ചത്. അപകടത്തിൽ നാട്ടുകാരായ മൂന്നുപേർ മരണമടഞ്ഞു. ഒരാൾക്ക് പരിക്കേറ്റു.
സൂറത്ത്ഗഡിൽ നിന്ന് പുറപ്പെട്ട വിമാനം ടേക്ക് ഓഫിന് തൊട്ടു പിന്നാലെ തകരുകയായിരുന്നു. പൈലറ്റ് സുരക്ഷിതനാണെന്ന് അധികൃതർ അറിയിച്ചു. പാരച്യൂട്ട് ഉപയോഗിച്ച് വിമാനത്തിൽനിന്ന് ചാടി പൈലറ്റ് രക്ഷപെട്ടു. സംഭവത്തെ തുടർന്ന് രക്ഷാദൗത്യത്തിനായി സേനാ ഹെലികോപ്റ്റർ അപകട സ്ഥലത്തെത്തിയിട്ടുണ്ട്.
