അരുണാചല്‍ പ്രദേശിലെ തവാങ് മേഖലയില്‍ കരസേനയുടെ ഹെലികോപ്റ്റര്‍ തകര്‍ന്ന് വീണു. കരസേനയുടെ ചീത്ത ഹെലികോപ്റ്ററാണ് തവാങ് മേഖലയില്‍ അപകടത്തില്‍ പെട്ടത്. ഹെലികോപ്റ്ററില്‍ ഉണ്ടായിരുന്ന രണ്ട് പൈലറ്റ്മാരില്‍ ഒരാള്‍ കൊല്ലപ്പെട്ടു. ലഫ്. കേണല്‍ സൗരഭ് യാദവാണ് അപകടത്തില്‍ കൊല്ലപ്പെട്ടതെന്ന് കരസേന പ്രസ്താവനയിലൂടെ അറിയിച്ചു.
ഗുരതരമായി പരിക്കേറ്റ സഹപൈലറ്റിനെ അടിയന്തര ചികിത്സക്കായി മാറ്റി. ഇന്ന് ഒക്ടോബര്‍ അഞ്ചിന് രാവിലെ പത്ത് മണിയോടെയാണ് അപകടം. എല്ലാ ദിവസവും നടക്കുന്ന പറക്കല്ലിനിടെയാണ് അപകടം സംഭവിച്ചത്. അപകടത്തിന്റെ കാരണം എന്താണെന്ന് ഇതുവരെ അറിയാന്‍ സാധിച്ചിട്ടില്ലയെന്ന് കരസേന അറിയിച്ചു.
അപകടം സംഭവിച്ച് ഉടന്‍ തന്നെ ഇരു പൈലറ്റുമാരെയും സമീപത്തെ മിലിട്ടറിയുടെ ആശുപത്രിയില്‍ എത്തിക്കുകയായിരുന്നു. തുടര്‍ന്നാണ് ലഫ്. കേണല്‍ സൗരഭ് യാദവിന്റെ മരണം സ്ഥിരീകരിക്കുന്നത്. സഹപൈലറ്റിനെ അടിയന്തര ചികിത്സക്കായി മാറ്റിയെന്ന് കരസേന പ്രസ്താവനയിലൂടെ അറിയിച്ചു.
