സെൻട്രൽ വെസ്റ്റ് ബാങ്കിലെ നൂർ ഷംസ് അഭയാർഥിക്യാമ്പിൽ ഇസ്രായേൽ ഇന്നലെ നടത്തിയ വ്യോമാക്രമണത്തിൽ പാലസ്തീൻ ഇസ്ലാമിക ജിഹാദി തീവ്രവാദ ഗ്രൂപ്പിന്റെ തലവൻ കൊല്ലപ്പെട്ടതായി റിപ്പോർട്ട്. തന്റെ മുൻഗാമിയായ മുഹമ്മദ് ജബ്ബർ, ആഗസ്റ്റ് അവസാനത്തിൽ ഒരു വെടിവയ്പ്പിൽ കൊല്ലപ്പെട്ടതിനെത്തുടർന്ന് തുൽക്കറെം ഏരിയ ക്യാമ്പിലെ ഇറാൻ പിന്തുണയുള്ള തീവ്രവാദ ഗ്രൂപ്പിന്റെ തലവനായി മുഹമ്മദ് അബ്ദുല്ലയെ നിയമിച്ചതായി ഇസ്രായേൽ പ്രതിരോധസേന വെളിപ്പെടുത്തി.
തീവ്രവാദി സംഘത്തിന്റെ പ്രവർത്തനങ്ങൾ നിയന്ത്രിക്കുന്നതും ആക്രമണങ്ങൾ നടത്തുന്നതും ആസൂത്രണം ചെയ്യുന്നതും അബ്ദുല്ല ആയിരുന്നു എന്ന് സൈന്യം വെളിപ്പെടുത്തുന്നു. ഇയാൾ ഇസ്രായേൽ സൈനികർക്കെതിരെ സ്ഫോടകവസ്തുക്കൾ വിന്യസിച്ചതായും ടൈംസ് ഓഫ് ഇസ്രായേൽ റിപ്പോർട്ട് ചെയ്തു. അക്രമികളിൽനിന്നും സെമി ഓട്ടോമാറ്റിക് റൈഫിളുകളും ഫ്ലാക്ക് ജാക്കറ്റുകളും സൈന്യം പിടിച്ചെടുത്തിരുന്നു.
വ്യോമാക്രമണത്തിൽ കൊല്ലപ്പെട്ട രണ്ടുപേരുടെയും മൃതദേഹം സൈന്യം പിടിച്ചെടുത്തതായി പാലസ്തീൻ അതോറിറ്റിയുടെ ഔദ്യോഗിക വാർത്താ ഔട്ട്ലെറ്റായ വഫ പറയുന്നു.
