സിറിയയുടെ തലസ്ഥാനമായ ഡമാസ്‌കസില്‍ ഇസ്രയേല്‍ മിസൈല്‍ ആക്രമണത്തില്‍ മൂന്ന് സൈനിക ഉദ്യോഗസ്ഥര്‍ കൊല്ലപ്പെട്ടതായി സിറിയന്‍ സ്റ്റേറ്റ് മീഡിയ പ്രസ്ഥാപിച്ചു. യുദ്ധസമാനമായ അന്തരീക്ഷമാണ് ഇപ്പോഴും ഇവിടെ നിലനില്‍ക്കുന്നതെന്ന് അവര്‍ പറയുന്നു.
ഡമാസ്‌കസിന് സമീപമുള്ള ഗോലന്‍ കുന്നുകളില്‍ നിന്നുമാണ് മിസൈല്‍ വര്‍ഷിച്ചത്. ഇത് ആസൂത്രിതമായ അക്രമണമായിരുന്നെന്ന് പറയുന്നു. എന്നാല്‍ ഇവയില്‍ പലതും സിറിയന്‍ പ്രതിരോധ സേന തടഞ്ഞു. മിസൈല്‍ ആക്രമണത്തില്‍ പലയിടങ്ങളിലായി നാശനഷ്ടങ്ങള്‍ ഉണ്ടായിട്ടുണ്ട്. ഇവയുടെ കണക്കെടുക്കാന്‍ ഇതുവരെയായിട്ടും സാധിച്ചിട്ടില്ലെന്നാണ് പറയുന്നത്.
സിറിയന്‍ ഭരണകൂടം ഇസ്രയേലിനെതിരെ രംഗത്ത് വന്നു കഴിഞ്ഞു. ഇതിനു പ്രത്യാഘാതം നേരിടേണ്ടി വരുമെന്നും, തങ്ങള്‍ക്ക് മറ്റു രാജ്യങ്ങളുടെ പിന്തുണ ഉണ്ടെന്നും അവര്‍ പറഞ്ഞു. കാലങ്ങളായി ഇസ്രയേല്‍ സിറിയ രാജ്യങ്ങള്‍ തമ്മില്‍ പ്രശ്‌നങ്ങള്‍ നിലനില്‍ക്കുന്നു. ഇത്തരം സാഹചര്യം നിലനില്‍ക്കുമ്പോഴാണ് ഇസ്രയേലിന്റെ ഭാഗത്തു നിന്നും പ്രകോപനപരമായ സംഭവങ്ങള്‍ ഉണ്ടാകുന്നതെന്ന് സിറിയന്‍ സ്റ്റേറ്റ് മീഡിയ പറയുന്നു .
