2023 ഒക്‌ടോബർ 7 ന് പലസ്തീനിയൻ സായുധഗ്രൂപ്പായ ഹമാസ് തുടക്കമിട്ട രാജ്യത്തിനുനേരെ മാരകമായ ആക്രമണം നടത്തിയപ്പോൾ അതിന്റെ പരാജയത്തിന്റെ ഉത്തരവാദിത്തം തിരിച്ചറിഞ്ഞ് ഇസ്രായേൽ സൈനികമേധാവി രാജിവച്ചു. പ്രതിരോധമന്ത്രിക്ക് അയച്ച കത്തിൽ ലെഫ്റ്റനന്റ് ജനറൽ ഹെർസി ഹലേവി ഇസ്രായേൽ പ്രതിരോധസേന (ഐ. ഡി. എഫ്.) ‘ഇസ്രായേൽ പൗരന്മാരെ സംരക്ഷിക്കാനുള്ള ദൗത്യത്തിൽ പരാജയപ്പെട്ടു’ എന്ന് സമ്മതിച്ചു. “പരാജയത്തിനുള്ള എന്റെ ഉത്തരവാദിത്തം എല്ലാ ദിവസവും ഓരോ മണിക്കൂറും എന്നെ അനുഗമിക്കുന്നു. എന്റെ ജീവിതകാലം മുഴുവൻ അങ്ങനെയായിരിക്കും” – അദ്ദേഹം കൂട്ടിച്ചേർത്തു.
ഇസ്രയേലിന്റെ എല്ലാ യുദ്ധലക്ഷ്യങ്ങളും നേടിയിട്ടില്ലെന്ന് അദ്ദേഹം സമ്മതിച്ചെങ്കിലും ഐ. ഡി. എഫ്. അതിന്റെ പ്രധാനമായ നേട്ടങ്ങളുടെ സമയത്ത്, മാർച്ച് ആറിന് താൻ ജോലി ഉപേക്ഷിക്കുമെന്ന് ജനറൽ പറഞ്ഞു. ഹമാസിനെയും അതിന്റെ ഭരണശേഷിയെയും കൂടുതൽ തകർക്കാനും ബന്ദികളുടെ തിരിച്ചുവരവ് ഉറപ്പാക്കാനും സൈന്യം പോരാടുന്നത് തുടരുമെന്നും സായുധസംഘങ്ങളുടെ ആക്രമണത്തിൽ കുടിയിറക്കപ്പെട്ട ഇസ്രായേലികളെ നാട്ടിലേക്കു മടങ്ങാൻ പ്രാപ്തരാക്കുമെന്നും അദ്ദേഹം വെളിപ്പെടുത്തി.
തൊട്ടുപിന്നാലെ, ഐ. ഡി എഫിന്റെ സതേൺ കമാൻഡ് മേധാവി മേജർ ജനറൽ യാറോൺ ഫിങ്കൽമാനും പടിഞ്ഞാറൻ നെഗേവിനെയും അതിന്റെ പ്രിയപ്പെട്ട വീരരായ നിവാസികളെയും സംരക്ഷിക്കാനുള്ള തന്റെ കടമയിൽ പരാജയപ്പെട്ടുവെന്ന് പറഞ്ഞുകൊണ്ട് താനും സ്ഥാനമൊഴിയുന്നതായി പ്രഖ്യാപിച്ചു.
ഇസ്രയേലും യു. എസും മറ്റും തീവ്രവാദസംഘടനയായി വിലക്കിയ ഹമാസുമായി ധാരണയിലെത്തുകയും ബന്ദികളെ മോചിപ്പിക്കുകയും ചെയ്ത ഗാസ വെടിനിർത്തൽ കരാർ ആരംഭിച്ച് മൂന്നു ദിവസങ്ങൾക്കുശേഷമാണ് ഇവരുടെ രാജി.
