സിറിയന്‍ തലസ്ഥാനമായ ദമാസ്‌കസില്‍ ശനിയാഴ്ച ഇസ്രയേല്‍ നടത്തിയ വ്യോമാക്രമണത്തില്‍ ഇറാന്‍ സൈന്യത്തിന്റെ ഭാഗമായ റവല്യൂഷണറി ഗാര്‍ഡ് അംഗവും ഉപദേശകരുമടക്കം നാലു പേര്‍ കൊല്ലപ്പെട്ടു. റവല്യൂഷണറി ഗാര്‍ഡ് ഉപയോഗിച്ചിരുന്ന കെട്ടിടത്തിലേക്ക് പ്രാദേശിക സമയം രാവിലെ 9.15നാണ് ആക്രമണം.
യോഗം നടക്കുന്നതിനിടെ അഞ്ചുതവണ മിസൈല്‍ ആക്രമണമുണ്ടായി. സിറിയയിലെ ഗാര്‍ഡ്സ് എക്സ്‌പെഡിഷണറി ഖുദ്സ് ഫോഴ്സ് ഉദ്യോഗസ്ഥരായ സദേഗ് ഒമിദ്സാദെയും ഹജ്ജ് ഘോലവും മരിച്ചവരില്‍ ഉള്‍പ്പെടുന്നതായി നൂര്‍ ന്യൂസ് റിപ്പോര്‍ട്ട് ചെയ്തു. എന്നാല്‍, ആക്രമണത്തില്‍ -അഞ്ച് ഇറാനികളും ഒരു സിറിയക്കാരനും ഉള്‍പ്പെടെ ആറുപേര്‍ -കൊല്ലപ്പെട്ടതായും സ്ഥിരീകരിക്കാത്ത റിപ്പോര്‍ട്ടുകളുണ്ട്.
