സ്വാതന്ത്ര്യദിനാഘോഷങ്ങളുടെ ദൃശ്യങ്ങളില്‍ മുങ്ങിയിരിക്കുകയാണ് സോഷ്യല്‍ മീഡിയ. അതിനിടെ കൗതുകമേകുന്ന ഒരു സ്വാതന്ത്ര്യദിന ചിത്രം പങ്കുവെച്ചിരിക്കുകയാണ് പ്രമുഖ വ്യാവസായി ആനന്ദ് മഹീന്ദ്ര. വീടിന് മുന്നില്‍ മൂവര്‍ണക്കൊടി സ്ഥാപിക്കുന്ന വൃദ്ധദമ്പതിമാരുടെ ചിത്രമാണ് അദ്ദേഹം ട്വിറ്ററില്‍ പോസ്റ്റ് ചെയ്തിരിക്കുന്നത്.
വൃദ്ധയായ സ്ത്രീ ഒരു വീപ്പയ്ക്ക് മുകളില്‍ കയറിനിന്നുകൊണ്ട് പതാക കെട്ടാന്‍ ശ്രമിക്കുകയാണ്. വൃദ്ധനായ മറ്റൊരാള്‍ സ്ത്രീ കയറിനില്‍ക്കുന്ന വീപ്പ സുരക്ഷിതമാക്കിപിടിച്ചുകൊണ്ട് താഴെ നില്‍ക്കുന്നു. സ്ത്രീ വീപ്പയിലേക്ക് കയറാന്‍ ഉപയോഗിച്ചതെന്ന് കരുതുന്ന പച്ചനിറത്തിലുള്ള ഒരു സ്റ്റൂളും സമീപത്തുണ്ട്. ‘സ്വാതന്ത്ര്യദിനം ആഘോഷിക്കാന്‍ എന്തിനാണ് ഇത്ര തിരക്കും ബഹളവുമെന്ന് സംശയമുള്ളവര്‍ ഇവരോട് ചോദിക്കൂ’, എന്ന അടിക്കുറിപ്പോടെയാണ് ആനന്ദ് മഹീന്ദ്ര ഈ ചിത്രം പോസ്റ്റ് ചെയ്തിരിക്കുന്നത്.
ആനന്ദ് മഹീന്ദ്ര ട്വീറ്റ് ചെയ്ത ചിത്രം നിരവധി പേരാണ് പങ്കുവെച്ചിരിക്കുന്നത്. നിരവധി അനുകൂല പ്രതികരണങ്ങളും ഈ ചിത്രത്തിന് ഉണ്ടായിട്ടുണ്ട്.
If you ever were wondering why such a fuss over Independence Day, just ask these two people. They will explain it better than any lecture can. Jai Hind. 🇮🇳 pic.twitter.com/t6Loy9vjkQ
— anand mahindra (@anandmahindra) August 14, 2022
