കർണാടക നിയമസഭാ തിരഞ്ഞെടുപ്പിനായുള്ള മാർഗ്ഗനിർദ്ദേശങ്ങൾ ഇന്ത്യൻ തിരഞ്ഞെടുപ്പ് കമ്മീഷൻ പുറത്തിറക്കി. ഉദ്യോഗസ്ഥരെ സ്ഥലം മാറ്റുന്നതും, നിയമിക്കുന്നതും ഉൾപ്പെടെ ഉള്ള നിർദ്ദേശങ്ങളാണ് പുറപ്പെടുവിച്ചിരിക്കുന്നത്.
2023 മെയ് 24-നാണ് കർണാടക നിയമസഭയുടെ കാലാവധി അവസാനിക്കുക. അതിനാൽ മെയ് മാസത്തിന് മുമ്പ് കർണാടക നിയമസഭ തിരഞ്ഞെടുപ്പ് നടത്താനാണ് തിരഞ്ഞെടുപ്പ് കമ്മീഷന്റെ നേതൃത്വത്തിലുള്ള തീരുമാനം. മാർഗ്ഗനിർദ്ദേശങ്ങൾ അനുസരിച്ച്, ഉദ്യോഗസ്ഥരെ അവരുടെ സ്വന്തം ജില്ലകളിലേക്ക് മാറ്റാനോ നിയമിക്കാനോ കഴിയില്ല. ഒരു സ്ഥലത്ത് മൂന്ന് വർഷം പൂർത്തിയാക്കിയ ഉദ്യോഗസ്ഥരെ മറ്റ് ജില്ലകളിലേക്ക് നിർബന്ധമായും സ്ഥലം മാറ്റണമെന്നതാണ് പ്രധാന നിർദേശം.
ജില്ലാ വിദ്യാഭ്യാസ ഓഫീസർമാർ (DEO), DY, റിവ്യൂ ഓഫീസർ/ അസിസ്റ്റന്റ് റിവ്യൂ ഓഫീസർമാർ (RO/ARO), ഇലക്ടറൽ രജിസ്‌ട്രേഷൻ ഓഫീസർമാർ (ERO), അസിസ്റ്റന്റ് ഇലക്ടറൽ രജിസ്‌ട്രേഷൻ ഓഫീസർമാർ (AERO) എന്നിവർക്കും അറിയിപ്പ് ബാധകമാണ്.
