കൊച്ചി മെട്രോയുടെ അഞ്ചാം വാര്‍ഷികം പ്രമാണിച്ച് വെറും അഞ്ചു രൂപയ്ക്ക് മെട്രോയില്‍ യാത്രചെയ്യാം. എവിടേക്ക് യാത്ര ചെയ്താലും വെറും അഞ്ചു രൂപ മാത്രം നല്‍കിയാല്‍ മതി. മെട്രോയുടെ പിറന്നാള്‍ദിനമായ ജൂണ്‍ 17-നാണ് ഈ ഓഫര്‍ ലഭിക്കുക.
യാത്രക്കാരെ ആകര്‍ഷിക്കുക, കൂടുതല്‍ യാത്രക്കാരിലേക്ക് മെട്രോയെ പരിചയപ്പെടുത്തുക തുടങ്ങിയ ഉദ്ദേശത്തോടു കൂടിയാണ് ഇത്തരത്തില്‍ ഒരു ഓഫര്‍ കൊച്ചി മെട്രോ ഒരുക്കിയിരിക്കുന്നത്.
‘യാത്ര സുഗമമാക്കൂ, പൊതുഗതാഗതം ശീലമാക്കൂ, കൊച്ചി മെട്രോ. ലൈഫ് എത്ര ഈസി’ എന്ന ടാഗ് ലൈനോടെ കൊച്ചി മെട്രോയുടെ ഔദ്യോഗിക ഫെയ്‌സ്ബുക്ക് പേജിലാണ് കെഎംആര്‍എല്‍ ഈ വിവരം പങ്കുവച്ചിരിക്കുന്നത്.
