കൂട്ടിക്കല്‍ ഇളംകാട് ജനതാ ഗ്രന്ഥശാല പുനര്‍നിര്‍മ്മിക്കുന്നതിന്റെ ഭാഗമായി കാരിത്താസ് ആശുപത്രിയുടെ നേതൃത്വത്തില്‍ ആരംഭിച്ച കൂട്ടിക്കലിനായി ‘ഒരു പുസ്തകം തരുമോ ‘എന്ന പദ്ധതിയുടെ ഉദ്ഘാടനം കേരള ഗവര്‍ണര്‍ ശ്രീ ആരിഫ് മുഹമ്മദ് ഖാന്‍ നിര്‍വ്വഹിച്ചു .
കേരള രാജ്ഭവനില്‍ വച്ച് നടന്ന ചടങ്ങില്‍ ഗവര്‍ണര്‍ ശ്രീ ആരിഫ് മുഹമ്മദ് ഖാന്‍ അദ്ദേഹം രചിച്ച പുസ്തകം തന്നെ കാരിത്താസ് ആശുപത്രി ഡയറക്ടര്‍ ഫാ .ഡോ ബിനു കുന്നത്തിനു കൈമാറി.
വരും തലമുറയ്ക്ക് വേണ്ടി നാം സൂക്ഷിച്ചു വെക്കേണ്ടത് അറിവും, വിജ്ഞാനവും മാത്രമാണെന്ന് ഗവര്‍ണര്‍ ശ്രീ ആരിഫ് മുഹമ്മദ് ഖാന്‍ പറഞ്ഞു. സ്വന്തം രചനയിലുള്ള പുസ്തകങ്ങള്‍ക്ക് പുറമെ നിരവധി പുസ്തകങ്ങള്‍ ഗവര്‍ണര്‍ ശ്രീ ആരിഫ് മുഹമ്മദ് ഖാന്‍ പദ്ധതിക്കായി നൽകി.
